شعبك بيحبك يا حبيب الملايين
وبيدعى لربك يداوى جرح بعدك
سنين وسنين
كنت يا بابا المنارة والاكليروس شموع
نورتلنا حياتنا ومسحت الدموع
رحيلك صعب علينا يا بابانا يا ضى عنينا
واثقين انك سامعنا موجود دايما وسطينا
يا حبيب الملايين
1-يا غايب عن عنينا لكن قلبك معانا
روحك بتشفع فينا وتشاركنا منانا
شاعر مرهف حساس ومكانه قلوب الناس
ومواقفك تشهد انك بالحكمة وضعت اساس
2-عظاتك علمتنا الايمان السليم
وكلامك لينا حكمة من فم وروح حكيم
كنا نجيلك بفرحة ونسيب الدنيا عشانك
ويوم الاربع يا بابا هيوحشنا كلامك
3-صوتك فى العيد يا بابا ابدا مش هيفارقنا
وملامحك رغم بعدك محفورة جوة منا
اديتنا احلى ذكرى صوتك.. ضحكك.. كلامك
اشفع دايما فى شعبك امسح دموع ولادك
شعبك بيحبك
