ازاي الست بعد كل الحب ده ممكن تقرر انها تبعد..

[Rena Jesus]

ازاي الست بعد كل الحب ده ممكن تقرر الانفصال وتفضل انها تبعد..
ببساطه قرار البعُد عند الست بيبقي مبني علي تراكمات عمره مابيجي بين يوم وليله..

تفضل انت تتشقلب عشان تلفت نظرها وتموت نفسك اهتمام ومفاجات وكلام حلو وهدايه وخروجات عشان تحبك وتتعلق بيك
واول مادا يحصل وفي لقطه تلاقي كل ده بيتراجع تدريجيا لحد ماتبقي واخداها for granted
ومتخيل انها هتعيش تحبك علي ذكري علاقتكم في الاول
ودا بيحصل فعلا مش هقول لا

الست فعلا عندها القدره علي انها تكتر الكلام الحلو والتصرفات الرومانسيه وتفضل هي تفتكرلك الحلو وتفضل انت تزود الوحش لحد ما واحده واحده الحلو الي ليك عندها يخلص ومايبقاش ليك عندها اي رصيد
وهنا دايما بداية النهايه لان فالمرحله دي الست بتبدا تشيل منك واحده واحده لحد ما تجيب اخرها
وانت بمنتهي الغباء والانانيه مكمل عادي وفاكر انها عادي هتتصالح بكلمتين
بس للاسف الست لما بتشيل بتبقي ادتك ميت فرصه وافترضتلك ميت عذر وعذر..

خلي بالك الست مش سهل تبيع بس لما بتبيع مابتشتريش تاني ابدا مهما حصل لاننك بتتبخر بالنسبالها.

[walaa farouk]

خلي بالك الست مش سهل تبيع بس لما بتبيع مابتشتريش تاني ابدا مهما حصل لاننك بتتبخر بالنسبالها.

كلام صح جدااااا
ربنا يفرح قلبك رينا

[Mary Naeem]

خلي بالك الست مش سهل تبيع بس لما بتبيع مابتشتريش تاني ابدا مهما حصل لاننك بتتبخر بالنسبالها

عن نظرتها ليه