|
 |
 |
 |
|
رقم المشاركة : ( 1 )
23 - 07 - 2017, 12:09 AM
|
|||||||||||
|
|||||||||||
|
حصل قدامي موقف من كام يوم مأخدش اكتر من ١٠ ثواني .. بس مفتكرش اني هقدر انساه طول عمري! كان في زي دورة كرة قدم بين كنايس مصر الجديدة لمرحلة اعدادي .. المهم كان في ماتش لكنيستنا ضد كنيسة تانية و كنيستنا اتغلبت ٥-١ .. ولد من عندنا طلع غضبان و مضايق جدا .. فضلت معاه و اهديه .. لحد ما لقيت ولد من الكنيسة اللي كانت بتلاعبنا جايب آيس كريم وبيديه للولد بتاعنا و بيقوله "خد ده .. بس متبقاش مضايق" .. انا فضلت واقف ساكت مش عارف اقول كلمة من حلاوة الولد ده! .. الولد معملش حاجة تزعل و مع كدة مهانش عليه يشوف حد مضايق بسببه .. عمل كده مع واحد ميعرفوش اول مرة يشوفه كان في الماتش من نص ساعة!! كان موقف ب١٠٠ درس لكل اب فاكر ان اهم حاجة انه يدخل ابنه مدرسة بكذا الف استرليني في سنة او فاكر انه عمل اللي عليه تجاه ابنه لما يجيبله الiPhone7 لما ينجح! كان موقف ب١٠٠ رسالة لكل ام فاكرة ان اهم حاجة ان ابنها يجيب درجات كويسة وبس! ربوا عيالكم علي حب غيرهم .. ازرعوا فيهم يحبوا اللي حواليهم اكتر من نفسهم .. شبعوهم حب علشان مش هيلاقوه غير عندكم! حُبكم لولادكم مش في انكم تدوهم مصروف اكتر ولا انكم تلابسوهم حلو .. كل ده حلو لكن دورك كأب اكبر من انك مجرد بنك فلوس لولادك .. و دورِك كأم اكبر من انك مُدّرِسة في البيت! تعليمكم لولادكم حُب غيرهم و تربيتكم ليهم هو ده الورث الحقيقي اللي هتسيبهُلهم و ده اللي ناس هتفتكركم بيه بعد ما تموتوا! في مثل يقولك اللي خلف مامٓتش .. لأ اللي خلف مات! لكن اللي ربّي ولاده حلو هو اللي مامتش. 
|
|
23 - 07 - 2017, 03:22 PM
|
رقم المشاركة : ( 2 ) | ||||
|
† Admin Woman †
|
رد: موقف ب١٠٠ رسالة
في مثل يقولك اللي خلف مامٓتش .. لأ اللي خلف مات! لكن اللي ربّي ولاده حلو هو اللي مامتش.
صح يا قمر ربنا يباركك حببتي |
||||
|
|
|
23 - 07 - 2017, 06:39 PM
|
رقم المشاركة : ( 3 ) | ||||
|
..::| الإدارة العامة |::..
|
رد: موقف ب١٠٠ رسالة
ميرسى على مرورك الغالى مرمر  |
||||
|
|
|
23 - 07 - 2017, 07:44 PM
|
رقم المشاركة : ( 4 ) | ||||
|
..::| مشرفة |::..
|
رد: موقف ب١٠٠ رسالة
صحيح ربنا يبارك حياتك وخدمتك
|
||||
|
|
|
23 - 07 - 2017, 10:49 PM
|
رقم المشاركة : ( 5 ) | ||||
|
..::| الإدارة العامة |::..
|
رد: موقف ب١٠٠ رسالة
ميرسى على مرورك الغالى نيرمين |
||||
|
|
|
06 - 08 - 2017, 12:26 AM
|
رقم المشاركة : ( 6 ) | ||||
|
..::| مشرفة |::..
|
رد: موقف ب١٠٠ رسالة
ربنا يبارك تعب محبتك
|
||||
|
|
|
06 - 08 - 2017, 10:30 PM
|
رقم المشاركة : ( 7 ) | ||||
|
..::| الإدارة العامة |::..
|
رد: موقف ب١٠٠ رسالة
ميرسى كتير على مرورك الغالى |
||||
|
|
 |
|
العرض العادي
