مش دائمًا عندنا القدرة الكافية للكلام

[Rena Jesus]

في ناس كتير بتكون عايزه تقولك حاجات جواها، بتكون محتاجه تعبر عن اللي حاسه به ومبتعرفش فبتسكت،
الناس دي مش "جبله" هما بس دا طبعهم زي ما كلنا فينا طباع يمكن متتشافش كويسة في عيون غيرنا،
بيكون في أوقات كتير محتوى صدق كبير جواهم فمبيعرفوش يقولوا أي كلام والسلام،

وفي ناس مبتعرفش ترد فبتقولك "شكرًا"، "تسلم"، "ربنا يخليك" وتسكت وجواها امتنان عظيم،
بالظبط زي ما كلنا بنيجي قدام حدث أو جملة معينة ونقول "مش عارف والله أقولك ايه"، "مش لاقي كلام أقوله"،
زي كل جواب قابلناه بصمت عاجز، القدرة على التعبير،
القدرة على الثبات قدام موقف أو جملة،
القدرة على اننا نحول شعور جوانا لكلام، حاجات مش دائمًا سهلة،
ومش دائمًا حاضرة فينا، ومش دائمًا عندنا عمومًا القدرة الكافية للكلام.

cpd

[Mary Naeem]

ومش دائمًا حاضرة فينا، ومش دائمًا عندنا عمومًا القدرة الكافية للكلام.
ربنا يباركك حببتي

[walaa farouk]

حاجات مش دائمًا سهلة،
ومش دائمًا حاضرة فينا، ومش دائمًا عندنا عمومًا القدرة الكافية للكلام.

ربنا يبارك خدمتك الجميلة

[walaa farouk]

حاجات مش دائمًا سهلة،
ومش دائمًا حاضرة فينا، ومش دائمًا عندنا عمومًا القدرة الكافية للكلام.

ربنا يبارك خدمتك الجميلة

[Rena Jesus]

ميرسى لمروركم الغالى