واحشني يوم الاربع بالليل وانا قاعد بتفرج علي وعظة البابا شنوده وفجأه الباب يخبط ..
والاقي الخادم جايبلي شمعدان احمر وبيقولي : هنستناك يوم الجمعه ف مدارس الاحد
..
وحشتني التونيه البيضا اللي كنت بنام واخدها ف حضني وبزعل اوي لو وقع عليها شمع ف القداس
..
وحشاني ريحة الفجر وانا رايح القداس ونفسي اكون اول واحد يدخل الكنيسه ..
..
واحشني عصر يوم الجمعه وانا ف مدارس الاحد ( ابانا الذي اللي كنت بتلخبط فيها _ رحله جميله ويا يسوع _ انا الحوت _ المعطي المسرور يحبه الرب )
..
وحشني العيد الصبح وانا لابس اللبس الجديد ورايح الكنيسه طاير م الفرحه ..
..
وحشاني براعم انطونيوس ..
..
وحشتني حصة الالحان ودرس القبطي و المهرجان و بيت الكنيسه ..
..
وحشوني الخدام اللي علموني ازاي اصلي .. وازاي اصوم .. وازاي اروح الكنيسه اصلآ ..
..
وحشوني صحابي بتوع زمان .. صحاب ابتدائي .. اللي معرفش دلوقتي راحوا فين
..
وحشتني السنين الأولي .. والبراءه الأولي .. واحشني ربنا لما كنت بقوله بابا يسوع ..
واحشني يا بابا يسوع
