افكار ملحدين

[walaa farouk]

كتير بنقرا عن الملحدين و افكارهم لكن قد يكون مقابلناش ولا واحد ملحد فى حياتنا.
خلينى اقولك فكرة بسيطة عن الإلحاد
الملحد ببساطة هو شخص شايف ان مفيش ربنا .
طيب ليه مفيش ربنا يا حبيبى؟
يقولك : لو كان فيه ربنا يبقى ازاى سايب ناس عماله تتقتل و تموت و تتعذب!!
وصل الامر لبعضهم انهم يقولو : هو ربنا مش هاين عليه يخلى الدولة الفلانية الجو فيها 50 او 60 درجة. يخليها مثلا 30 و يلطف الجو على الناس؟!!
اغلب الملحدين فسراوا الجغرافية و الطقس و الجو بشكل يظهر فيه ان الله الخالق هو ( ظالم ) و مش عادل و سايب الدنيا تضرب تقلب و مش بيتصرف و طبعا طبعاااا حاشا لله ان الله يكون كدة لكن هو مفهومة كدة عن ربنا.
الحوار مع الملحدين مش بيوصل لأي حاجة تقريبا .. هو مدرك انه مفيش ربنا فا متضيعش وقتك معاه و صلى علشانه انه ربنا يعرفوا الحق فين
الملحدين مشكلتهم انك بمجرد ما تقولهم : اذا كان مفيش الله و مفيش خالق. فا انت جيت الدنيا ازاى؟
اسمع بقى احلى كلام سوفسطائى فلسفى عن تكوين الجنين فى بطن امة بشكل طبيعى و انه جه الحياة بترتيب طبى احيائى عادي!!!
فى حياة الملحد فى نقطة محورية ما بين انه يرجع تانى و يعترف بوجود الله و انه يبدء يلتزم دينيا بأى دين هو شايفة مريح ليه سواء مسيحى او اسلامى او حتى يهودي . لكن الفكرة فى اعترافه بوجود خالق هو اساس رجوعة من الالحاد لاي دين هو عايز يكمل حياتة فيه فا النقطة المحورية هنا فى الغالب او اوقات بتكون صدمة او حادث كبير يحصل فى حياتة فا هديكم مثال:
واحد ملحد اكتشف ان عنده مرض مميت و خلاص الطب ملهوش اى علاج يقدمهولة..يبدء الشخص ده انه يدور على قوة اعلى من قوة الطب والبشر ويبدء يدور عليها علشان يستغيث بيها من الموت. فى الوقت ده هيصرخ لمين و هو لا يعترف بوجود خالق اساسا؟!!! لا اصدقاء هتساعدة ولا طب ولا اى حد او حاجة فى الدنيا هتنفع تساعدة فا عقلة البشرى بشكل لا واعي هيبدء يحرك الوعي عنده انه يبحث عن قوة اعلى ليها القدرة على انها تقدر تساعدة فى الشفا
يبدء يقول يااااارب ؟؟ اه احتمال يقولها و احتمال لا؟
عبدة الشيطان تؤمن ان الشيطان يقدر يساعدهم فى الشفا اه حقيقى الشيطان له قدرة هايلة على انه يعمل امور كتير بما فيها الشفا لاتباعة علشان يكملو خططهم الشيطانية فا معندهوش مانع انه يوقف واحد من اتباعة و يخليه يعمل معجزة بأسم الشيطان الاعظم نفسة علشان الناس تبدء تتبعه بقرابين دموية او ما شابه
لكن فى الجزء ده عايز اقول على حاجة واحدة اكيدة و مؤكدة لما كلنا كمؤمنين بنتعرض لمواقف خطيرة مثلا لو انت ماشى فى الشارع و ناس حاولت تثبتك وتاخد فلوسك او تخطفك كبنت.. وقتها انت بتصرخ او انتى بتصرخى بأعلى صوتك و تقولى ( الحقووووني ) وقتها بس مش بتفكرى مين الى هيلحقوكى او شكلهم ايه او كام عددهم او هما مين. لكن عندك يقين ان ربنا هيبعت حد يدافع عنك او ينقذك بطريقته هو فى الوقت ده بالذات
صرختك لربنا بتحرك قلبه ليك و ليكى حتى لو مبانش التحرك ده وقتها لكن اوعى تفكر ان صرختك ليه صدى صوت راح فى الهوا..ابدا مش بيحصل . كل صرخة بتخرج منك بتوصله و بيسمعها و بيقدرها اووى
صلاتى النهاردة لكل الناس الى فقدت هويتها وفقدت الشعور بوجود الله الخالق المبدع. انها ترجع تانى وتصدق ان فيه الله عظيم عالى و مرتفع جبار قوي ملك الملوك و رب الارباب و ستسجد له كل ركبة ممن فى السما ء و من على الارض و من تحت الارض له فقط

[Mary Naeem]

الله عظيم عالى و مرتفع جبار قوي ملك الملوك و رب الارباب و ستسجد له كل ركبة ممن فى السما ء و من على الارض و من تحت الارض له فقط

[walaa farouk]

ميرسى على مرورك الغالى مرمر