قالوا عن الخدمه

[walaa farouk]

قالوا الخدمة هي فخامة...,قيمه....,مــركز ... , واحتـرام
وكنير ما قالوا علي الخدمة لبَاقة .
أخويا قالي :الخدمة نشاط , وصاحبي قال: صلاه وهيام
إحتار دليلي ... رحت لسيدي…
راح قال: يا ابني ... لو خدمة تبني ... يبقى الأساس خَــدَام
و الخادم من يشارك بحب خيره ،ويدي غيره فوق الميزان
قليل ما ياخد ، كتير ما يدي ، حاسب ما عنده ملك الانــــام
يمد أيده لعـون صديقه ....، ويـدي الغـريب أكتر كمـــــان
دى الخدمة مش بلاغة في الخطابة مش لباقة وكُتر الكلام.
الخدمة انك تقوم تبشر ، بصلب ربك بعد الالام
بحب و بسـاطة تقوم تنادى عن رب يغفر كــــل الآثام
تبقى الشهادة اسلوب حياتك بالعمل مش بالعلام
والخادم
يـقــرا ويتعـلم ، يـسمع ويستفهم , يـكبر مـــع الأيام
صـاحي لنفسه ، صاحي لروحه, عقله بيكبر ويا الإيمان
يصحى تملي في السر بدري، يروح لسيده ويفتح كلام
يحكى معاه كل المشاعر, كل المخـــاوف وحلـم الزمان
وفى كلمة الله يلهج و ياكل , يشبع ويلقى عزا وسلوان .
سألني سيدى :تعرف مواهبك ...؟؟؟؟
أقعـــد و فكـــــر…. إزاي تتـاجـر فيهــا بنظـــام
تقدر تقـدم بيها الرسالـة , تقدر تنور بيها الظلام
كانت عظيمة ..., كانت بسيطة..., بالرب ليها تأثير عظـام
لازم تطــور فيها وتكسب للــرب بيها نفـــوس كمــــان .
وبعد الكلام نظر لي سيدي ، وبحب قام وقال السلام .
بصيت لقتني , قاعد لوحدي ، لا حد جاني ولا حد قام ، إلا رب الأنام

[sama smsma]

الخدمة هي فخامة...,قيمه....,مــركز ... , واحتـرام

ربنا يبارك خدمتك

[Mary Naeem]

بصيت لقتني , قاعد لوحدي ، لا حد جاني ولا حد قام ، إلا رب الأنام
ربنا يفرح قلبك

[walaa farouk]

ميرسى على مروركم الغالى

[مورا مرمر]

موضوع حلو اوووووى
ربنا يفرح قلبك حبيبتى

[walaa farouk]

ميرسى على مرورك الغالى