|
 |
 |
 |
|
رقم المشاركة : ( 1 )
08 - 07 - 2017, 12:16 AM
|
|||||||||||
|
|||||||||||
|
رچ وچودى
. . اتنين اخوات تؤام باباهم سماهم أول حرفين من اسمهم زى بعض علشان مايفارقوش بعض فى الدراسة وكان بيدور على المدارس اللى فيها فصول مشتركة وبالفعل قضوا حياتهم كلها مابيفترقوش . مامتهم ماتت وهما فى الاعدادية وباباهم توفى وهما فى تانية كلية . اللى حصل دا خلاهم مرتبطين ببعض اكتر بالرغم ان الارتباط بينهم كان كبير جداً لكن چورچ بدأ يعاملها كأنها بنته مش اخته وبس . چودى اتصاحبت على بنت من الكلية اول ما شافتها قالتلها انتى هاتكونى كلمة السر انتى اللى هاتفكى عقدة اخويا واضرابه عن الجواز وانتى كمان اللى هاترجعهولنا نشوفه بعد ٨ سنين غربة من ساعة ما سافر انجلترا مارجعش . چودى اخدت الموضوع هزار لكن صاحبتها مارتحتش غير لما وصلتهم ببعض مكالمة تجر مكالمة تجر مكالمة استريحتله جداً قرر سامح ينزل مصر علشان يتعرف عليها اكتر نزل فعلاً واستريحلها جداً وخطبها طلبت منه يستناها تخلص تعليم سافر ورجع بعد ما خلصت اتجوزوا وسافر بيها انجلترا . چورچ مكانش موافق بس ماقدرش يقولها علشان شاف فى عينيها لمعة حبها ليه ماقدرش يقف قصاد سعادتها بالرغم انه دموعه مكانتش بتفارقه من يوم ما عرف انها هاتسافر وتسيبه بس مانسيش انه خد عهد على نفسه يكون باباها . ماستريحش غير لما ظبط شغل فى انجلترا وسافر وراها لكن جوز اخته عامله وحش وقالهاله واضحة وصريحة قاله انا قعدت اكتر من عشر سنين ماشفتش اهلى غير وقت الخطوبة والجواز انا باحب اعيش لوحدى ودلوقتى عاوز اعيش انا ومراتى وبس وجودك مش مرغوب فيه . چورچ اتحرج جداً وقاله انا اصلأ ماكنتش مرتاح فى الشغل هنا وكلمت اصحابى فى فرنسا يظبطولى شغل هناك اوعدك مش هاتشوفنى تانى بس ابقى اسمحلى اتطمن عليها بمكالمة من وقت للتانى . ودع اخته واللى كان مصبره ان اخته بتحب جوزها وان هو كمان بيحبها وبيعاملها كويس جداً . راح عاش ف مكان قريب من اخته وماسافرش فرنسا كان بيكلم اخته من وقت للتانى كان بيتصل بواحد صاحبه من فرنسا ويخليه يتصل باخته ويحوله المكالمة علشان يظهر رقم فرنسا قدامها مكانش بيعدى يوم الا لما بيشوف اخته من بعيد كان بيستناها قدام مكان شغلها وهى رايحة وهى مروحة . وكانت كل ما تقوله مش هاشوفك يقولها الشغل كتير قوى ومفيش اجازات . كان شغال فى مطعم صغير صاحبة المطعم حبته مفيش سنتين وكانوا متجوزين اتجوزوا وهو مايعرفش الخير اللى مستنيه . والد زوجته توفى واكتشف انه ملياردير وانه عنده اكبر سلسلة مطاعم فى انجلترا زوجته كانت حابة تعيش مستقلة ومجابتش سيرة باباها خالص معاه بموت باباها وبما انها البنت الوحيدة ورثت كل حاجة وطبعاً بقى چورچ هو المسئول عن كل دا سافروا مدينة مانشيستر علشان يديروا كل حاجة من هناك قال لزوجته انا هابعت طلب لجوز اختى واختى يشتغلوا هنا مديرين فرع وبعد اذنك هانعملهم مرتب كبير قالتله المال مالك واعمل فيه اللى انت عاوزه قالها انا مش عاوز اظهر فى الصورة خالص اتعاملى انتى معاه انا كل اللى عاوزه اختى تكون جنبى علشان اعرف اشوفها وانتى عارفة اللى حصل معاه زمان وانا مش عاوز اضايقه . بالفعل بعتولهم طلب رسمى بالانضمام ليهم كمديرين فروع فرصة ماتتسابش .. وبالفعل سافر سامح وچودى مانشيستر استلموا الشغل واستلموا بيت كبير يعيشوا فيه على حساب الشغل . ربنا ماردش لسامح وچودى بالخلفة لعيب عند سامح . اختفت زوجة چورچ فترة اخر الحمل ربنا رزقهم بتوأم فى نفس الوقت چورچ اقنع اخته فى التليفون انها تتبنى طفل لأنه كان عارف انها بتحب الأطفال جداً . اقترحت چودى على سامح موضوع التبنى فرحب جداً وشاف انه مايحرمهاش من البنوة وخصوصاً ان السبب من عنده . چورچ دلها على المكان اللى تروح تتبنى منه الطفل وقالها ان واحد صاحبه عايش هناك هاييجى معاكى وهايعمل كل حاجة اول ما راحوا شافت طفل قالت هو دا دا شبه چورچ اخويا جداً .. انا هاخده واسميه چورچ . عدت عشر سنين طلبت زوجة چورچ انها تقابل سامح عرف منها انها مريضة سرطان وانها فى اخر ايامها وعرفته ان جوزها يبقى چورچ اخو چودى زوجته وان المرتبات الكبيرة اللى بياخدوها والسكن الكبير وكل المكافأت دى بسبب چورچ وانه كان طول الوقت بيفكر فى اخته وعاوز يعيشها فى أحسن مستوى لكن المفاجأة الأكبر ان چورچ اللى اتبنوه يبقى ابنهم ايوة هى لما جابت تؤام چورچ طلب منها انه يقترح على أخته موضوع التبنى ورتب كل حاجة علشان الولد يوصلكوا فى الأول رفضت جداً صعب عليا كأم اسيب ابنى لكن قصاد حب چورچ اللى مالوش حدود لأخته وخصوصاً انه قالى أنا اتحرمت من أختى .. سيبى حتة منى تعيش معاها ولما فكرت قلت يمكن ربنا يكون بعت تؤام علشان چورچ يتربى معاكم واحنا نربى چودى البنت سمناها چودى على اسم مراتك . سابها سامح وهو منهار وسنين الخير بتعدى قدامه كلها والسبب فيها الانسان اللى طرده من بيته كان عاوز يروح يعتذرله ويطلب مسامحته لكن ازاى يواجهه وازاى يقدر يشوفه بعد اللى عمله معاه . ماتت زوجة چورچ وفى مراسم الدفن بص چورچ لقى چودى وسامح وچورچ الصغير استغرب وجودهم حضنته جامد والبكا مسيطر عليها وعرفته ان سامح حكالها على كل حاجة من يوم ما مشاه من البيت . اعتذرله سامح وقاله انا عارف انى مهما عملت مش هاوفيك حقك . انا اهلى زمان حرمونى انى اتجوز الانسانة اللى حبيتها علشان كانت من اسرة بسيطة سافرت وسبتلهم البلد وحلفت ان الانسانة اللى هاتجوزها هاحرمها من اهلها وهاحرم اهلى انهم يشوفونى او يشوفوا عيالى علشان كدة يمكن يكون ربنا حرمنى من العيال لما جالى الشغل دا وحياتنا اتبدلت بشكل كبير قلت فى بالى يبقى انا صح وان ربنا بيعوضنى ماكنتش اعرف ان انت اللى ورا كل دا . . انا لما اتحرمت زمان من الانسانة اللى باحبها قررت اواجه الحرمان بالحرمان وحرمتك من اختك . لكن انت لما اتحرمت من اختك قررت تواجه الحرمان بالحب علشان تفضل متطمن على اختك لدرجة انك قررت تحرم نفسك من ابنك علشان تفرحنا . من النهاردة مفيش حرمان هانعيش كلنا مع بعض ويرجع چورچ وچودى يعيشوا مع بعض . چورچ وچودى الكبار .. وچورچ وچودى الصغيرين 
|
|
08 - 07 - 2017, 12:25 PM
|
رقم المشاركة : ( 2 ) | ||||
|
† Admin Woman †
|
رد: مواجهة الحرمان بالحب
في منتهى الجمال يا قمر ربنا يباركك |
||||
|
|
|
08 - 07 - 2017, 09:58 PM
|
رقم المشاركة : ( 3 ) | ||||
|
..::| الإدارة العامة |::..
|
رد: مواجهة الحرمان بالحب
ميرسى على القصة الجميلة |
||||
|
|
|
11 - 07 - 2017, 04:34 PM
|
رقم المشاركة : ( 4 ) | ||||
|
..::| مشرفة |::..
|
رد: مواجهة الحرمان بالحب
قصة مؤثرة جدا و جميلة جدا
ربنا يبارك فيكي وفي خدمتك حبيبتي |
||||
|
|
 |
|
العرض العادي
