| |
|
|
|
|
|
||||||
 |
|
|
أدوات الموضوع | انواع عرض الموضوع |
|
|
|
#1
06 - 07 - 2017, 08:26 AM
|
||||
|
||||
 - في اتنين كانوا صحاب اوي بس واحدة منهم كانت دايما شايلة المسئولية اكتر من التانية .. البنت اللي كانت شايلة المسئولية دي كانت بتقول " انا فضلت استحمل كل حاجة لوحدي و احل مشاكلها و مشاكلي لوحدي و التمسلها الاعذار طول الوقت لدرجة اني جيت في الاخر حسيت اني مصاحبة نفسي .. انها مش موجودة و مالهاش اي دور ف حياتي " .. - كان فى حد أخته كانت زعلانة اوي ان هي بقت شايلة المسئولية كلها لوحدها و ان جوزها " هنداوي " مبقاش بيساعدها في حاجة .. قالها " انتي ساهمتي في خروج هنداوي من الحياة الزوجية لانك بدل ما تقفي جنبه وقفتي قدامه .. و بدل ما تشيلي معاه شيلتي عنه .. عملتي كل حاجة صح بشكل متطرف " .. - بابا قالي قبل كدة ان كل واحد في بيتنا لي دور و عليه مسئولية .. مينفعش حد فينا يقول انا مالي و يرمي مسئولياته علي حد تاني من البيت .. - واحد كان بيتكلم عن العلاقات بشكل عام و بيقول ان ناس كتير بتنفصل و بيفشلوا ف انهم يكملوا مع بعض بسبب ان حد من الطرفين نسي دوره .. و بالتالي واحد بس فيهم بقي بيقوم بدور الراجل و الست مع بعض .. والطرف التاني مبقاش لي دور .. - في كتاب " Men Are from Mars, Women Are from Venus " كان في جملة بتقول : " If I seek to fulfill my own needs at the expense of my partner, we are sure to experience unhappiness, resentment, and conflict. The secret of forming a successful relationship is for both partners to win. " ساعات كتير بيبقي جوانا طاقة ايجابية كبيرة و حماس و نحس اننا مستعدين نعمل اي حاجة عشان نساعد حد بنحبه و قريب مننا .. ف نبدأ نشيل عنه جزء من مسئولياته .. بعد شوية نشيل جزء تاني .. لحد ما نكتشف اننا شيلنا كل حاجة لوحدنا و اننا بدل ما نشيل معاه شيلنا عنه .. و بدل ما نساعده يبقي اقوي لغينا شخصيته و دوره .. معظم العلاقات اللي بتستمر لفترة طويلة بيبقي سببها ان كل طرف في العلاقة دي سواء كانت صداقة او جواز .. عارف ايه واجباته و ايه حقوقه .. الراجل عارف دوره ايه و مراته دورها ايه و مفيش حد فيهم بيحاول يحمل التاني فوق طاقته .. او يسيبه يشيل المسئولية لوحده ولا في حد منهم بيقول جملة " اصل انت راجل ف طبيعي تستحمل .. او انتي ست المفروض تصبري اكتر " .. ساعات كمان بننسي اننا بنكمل بعض .. واننا لينا حقوق و من كتر حبنا في الطرف التاني بنبقي خايفين نتعبه ف نفضل نشيل عنه كتيير لحد ما احنا كمان نتعب .. نفقد القدرة علي اننا نكمل لوحدنا و نندم اننا من الاول شيلنا عنه ماشيلناش معاه .. الحقيقة ان العلاقات الانسانية دي حاجة معقدة جدا .. بتحتاج مننا ان كل شوية نفكر نفسنا باللي المفروض نعمله و اللي المفروض الطرف التاني يعمله .. بنبقي محتاجين نقتنع ان صداقتنا دي مشاركة .. جوازنا كمان مشاركة .. و نتحكم ف مشاعرنا شوية لان كتير بيبقي قصدنا نساعد اللي بنحبه بس نكتشف اننا بنضره .. واننا لغينا دوره و بقينا نقوم بدوره و دورنا ف نفس الوقت و طبيعي بعد فترة نتعب و نفشل لان تحمل مسئولياتنا و مسئوليات غيرنا حاجة اكبر من قدراتنا كلنا كبني ادمين .. ربنا خلقنا مختلفين عشان نكمل بعض و نشيل مع بعض مش عن بعض 
|
|
#2
06 - 07 - 2017, 08:33 AM
|
||||
|
||||
|
ربنا خلقنا مختلفين عشان نكمل بعض و نشيل مع بعض مش عن بعض صح يا رينا ربنا يفرح قلبك
|
|
#3
06 - 07 - 2017, 09:35 AM
|
||||
|
||||
|
لان تحمل مسئولياتنا و مسئوليات غيرنا حاجة اكبر من قدراتنا كلنا كبني ادمين ..
ربنا خلقنا مختلفين عشان نكمل بعض و نشيل مع بعض مش عن بعض صح يا قمر ربنا يباركك حببتي
|
|
#4
06 - 07 - 2017, 10:51 AM
|
||||
|
||||
|
ربنا خلقنا مختلفين عشان نكمل بعض و نشيل مع بعض مش عن بعض
صح جدااااا يا رينا
|
|
#5
14 - 07 - 2017, 05:33 PM
|
||||
|
||||
|
ميرسى لمروركم الغالى 
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| خلقنا مختلفين ولكننا خلقنا الخلاف | ريمون أنيس | موسوعة توبيكات مميزة | 4 | 17 - 05 - 2024 05:59 AM |
| ربنا بيعلمنا نشيل بعض | walaa farouk | شبابيات الفرح المسيحى | 0 | 25 - 04 - 2024 09:58 PM |
| خلقنا مختلفين لنتكامل ، فيحتوي الحنون الغاضب | Mary Naeem | صور توبيكات خواطر متنوعة | 0 | 18 - 02 - 2024 07:59 AM |
| خلقنا الله مختلفين لنكمل بعض | Mary Naeem | موسوعة توبيكات مميزة | 0 | 08 - 09 - 2020 02:55 PM |
| ربنا خلقنا علشان نفرح بيه | walaa farouk | قسم المواضيع المسيحية المتنوعة | 0 | 28 - 08 - 2019 09:42 AM |
العرض المتطور