كلنا اتجرحنا في حياتنا جروح كتيره بأنواع مختلفه من الجروح والاساءات والانتهاكات الجسديه والاجتماعيه والروحيه من بابا من ماما من اخوك من اختك من جارك من خادم ف الكنيسه من كاهن ...من. .من..من.اي حد.
وكلنا تقريبا عندنا ماضي أليم ..في حته معينه كده
"دي حقيقه ،"
■وعشان تشفي من الجروح دي ■
○ لازم تفهم أن الشفاء ده مسئوليتك انت مش مسئوليه اللي جرحك..اللي وجعك مش ها يشفيك. ..وربما مش ها يهتم ولا يبالي بالأمر. .
○ ولازم تتكلم مع شخص تحس معاه بالأمان في الجروح اللي تاعباك ومسببالك الم ووجع! !!
○ وأنك تتكلم في الجرح بتاعك عشان تشفي مش عشان تتكلم وخلاص .."أتريد أن تبرأ "..
○ وتسامح اللي أساء ليك وجرحك ..من قلبك ..
○ وتسامح نفسك كمان..وما تظلمهاش. .وقدر وجعك بنفسك
○ واطلب من روح الله القدوس انه يعرفك ايه المشكله اللي بتعاني منها بالظبط لئلا تنخدع وتتلخبط ..عشان يعينك
وربنا يسندك... وتخرج سالما معافى تماما ..
