| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
03 - 07 - 2017, 08:29 AM
|
||||
|
||||
 الطبيعى بتاع أى حد لما بيروح يتقدم لواحدة إنه بيقول مميزاته والحاجات الكويسة اللى فيه .. بس العكس تمامًا حصل لما " عُمر الشريف " راح يتقدم لـ " فاتن حمامة " .. مجرد ما قعدوا قدام بعض فى الكازينو ع النيل رص قدامها لوكشة عيوبه مرة واحدة فى وشها .. ( أنا بدخن ، بتعصب بسرعة ، بشخر وأنا نايم ، شغلى رقم واحد ومش بحب قعدة البيت ، مش بحب الأطفال ولا عايز أخلف ) .. نظرتها المندهشة له وهو بيتكلم خلّته يقف شوية فى كلامه وبعدها كمل وقال : ( بس بحبك وعندى أمل إنى أتغير على إيدك وأول خطوة إنى رميت قدامك كل عيوبى ) .. "فاتن" قالت : ( كل دى عيوبك يعنى مفيش مميزات خالص ؟ ) .. رد : ( مين قال ! بس الكويس تشوفيه بنفسك مينفعش أنا أقوله وواجبى أقول ع العيوب ) .. أتجوزوا .. فكك من إن الجوازة إنتهت بالطلاق بعد كده بسبب رغبة "فاتن" فى الإستقرار فى مصر وده كان متعارض مع شغل "عُمر" اللى بدأ نجمه يلمع بره مصر .. بس فضلت قصة جوازهم مكملة 11 سنة عشان أتبنت من الأول ع الصراحة فبدأت وإنتهت متينة .. " عُمر " فى لقاء معاه فى برنامج ( تجربتى ) بيكمل بيقول إن تقبل "فاتن" لعيوبه هو حجر الأساس فى جمال علاقتهم حتى بعد الطلاق .. بسببها حاجات كتير إتغيرت .. شخيره قل لأنها نظمت له مواعيد وشكل نومه وطريقة أكله .. خلفوا إبنهم " طارق " وبقى حتة من قلبه ومش بيستحمل فيه الهوا .. عصبيته جوا البيت إنتهت لأنها وفرت له الهدوء اللى محتاجه وبقى يحب قعدة البيت .. بدل ما كان بيدخن 10 سجاير فى اليوم قل العدد لسيجارتين لحد ما مات يعنى لمدة 50 سنة كاملة بعد الإنفصال ! .. المذيع بيطلب منه إنه يختصر علاقته بـ " فاتن " بـ جملة واحدة فيقول بسرعة وبدون ما يفكر : ( وخدانى ع عيوبى ). • الإذاعى الأمريكى " برنارد ملزر " بيقول : ( الصديق الحق هو من يعتبرك شخصا ممتازا رغم علمه أن بك بعض العيوب ) .. كام صاحب واخدك ع عيوبك ؟ .. طيب أنت واخد كام واحد ع عيوبه ومتعايش معاها ؟ .. الحقيقة أنت لازم تحب أى حد بيقرر يستحملك وبيحاول يصلح منك تصليح بدون تنظير ولا تأنيب .. ده فى الصداقة والحب وفى كل العلاقات الإنسانية .. لازم تحب اللى بيقرروا يكملوا معاك بعيد عن الحجج والتلاكيك عشان يخلعوا .. ملوك التفويت .. الناس اللى بيتعاملوا معانا رغم عيوبنا اللى بتكون ظاهرة وبيستحملونا بتكبير دماغهم عنها وبينطوا بعلاقتهم معانا حواجز التفاهات وبيشوفونا من جوه؛ محتاجين نعمل لهم تماثيل من دهب .. عشان كده " عُمر " كان برنس و " فاتن " برنسس، وعشان كده المجد لكل البرنسات اللى فى حياتنا واللى إحنا فى حياتهم. 
|
|
#2
03 - 07 - 2017, 08:33 AM
|
||||
|
||||
|
وعشان كده المجد لكل البرنسات اللى فى حياتنا واللى إحنا فى حياتهم.
ميرسي على مشاركتك الجميلة رينا ربنا يفرح قلبك
|
|
#3
03 - 07 - 2017, 09:58 AM
|
||||
|
||||
|
الصديق الحق هو من يعتبرك شخصا ممتازا رغم علمه أن بك بعض العيوب
ربنا يباركك حببتي
|
|
#4
04 - 07 - 2017, 06:59 AM
|
||||
|
||||
|
ميرسى لمروركم الغالى 
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| يغير ويعالج ويداوي | walaa farouk | كلمة الله تتعامل مع مشاعرك | 0 | 11 - 01 - 2023 09:24 PM |
| بقدم ليك ذبيحة حب صلاة من عمق وجدانى | walaa farouk | أقوال الأباء وكلمة منفعة | 0 | 31 - 01 - 2022 11:27 PM |
| تسكن فى وجدانى | morcos20 | قسم المواهب المتنوعة | 2 | 27 - 08 - 2018 11:48 AM |
| كل ما أحس ان انا وحداني | Ƒ̐ὰ̗đƴ | تصميمات وابداعات الأعضاء | 7 | 30 - 08 - 2014 07:12 AM |
| وحداني .. | بنت معلم الاجيال | الترانيم المكتوبة | 0 | 19 - 10 - 2012 03:48 PM |
العرض العادي
