خليك ذوق

[walaa farouk]

ايه دا تخنتي اوي ليه كدا بصوا يا عيال جسمها باظ ازاي، ايه دا يابنتي مناخيرك بقيت اكبر من وشك ، ايه يابنتي مالك عصعصتي كدا ليه ما تتخني شويه، ايه انتوا ارتبطوا طيب ايه هيتقدم امتي ، اتخطبوا الف مبروك ها الفرح امتي ، الف مبروك ع الفرح ايه مش هنشوف النونه ، العيب من مين فيكوا ، ايه مش هنخاوي النونه ، يابنتي غيري ام الشوز دا ، ايه موركش غير التيشيرت دا يابني ، هتفضل لابس الجاكيت دا طول الشتا ، يالا تعالي اخرج معانا ، ظيب مش هتخرج ليه ، لا لازم تيجي تخرج ...الخ

التخينه اللي ضحكتي عليها وضحكتي عليها صحابك لمجرد انك بتهزري وهاهاهاها ، هي ضحكت معاكوا بس اتسببتيلها ف وجع كل ما تبص ف المرايه مش هتشوف غير النقطه دي ،متعرفش تعمل رجيم توصل لمرحله انها تعمل عمليه ممكن تموت فيها .
ام مناخير كبيره دي مهما كانت جميله لما ايجي تتصور تقف قدام المرايه تقعد تبص ف الموبايل هتفتكر بس وجعك ليها بسبب مناخيرها مهما كانت جميله هتبص للعيب بتاعها ، الرفيعه المعصعصه اللي ضحكتي عليها هتروح تنفخ وتاخد حاحات تضر وتعملها سرطان بسبب جسمها مش عاجب حضرتك ، اللي كانوا بيحبوا بعض اكيد مكنتش الظروف سامحه يتخطبوا بسرعه وبعد ما اتخطبوا مستنيين يسددوا حاجات الخطوبه عشان يتجوزوا ،ومخلفوش لان ربنا عايز كدا ، وخلفوا لان ربنا رزقهم ف الوقت اللي هو كاتبه ليهم ، اللي مش عايز يخرج معاكوا مكسوف يقول انه معهوش فلوس ،وانه مكسوف يمد ايده لابوه عشان عارف الضغط اللي عليه ، الشوز بتاعه صحبتك اللي كسفتيها لمجرد هزار او ضحك ، هي مش مجبره تخلي ابوها يمد ايديه لحد عشان تشتري لبس تتمنظر بيه قدام الناس ، التيشيرت اللي صحبك مش بيغيروا عشان عارف انه بياخد مصاريف قد كدا عشان يتعلم .

انتوا اللي مرضي نفسيين ، انتوا بتكسروا وبتخلوا الواحد مهما كان جميل مبيشوفش غير العيب اللي فيه ، انت مش كامل مفيش حد فينا كامل ، الكمال لله وحده ، راعوا انك بتكسر وبتأذي مشاعر واحد لمجرد انك بتهزر وهاهاهاها انت وصحابك وهو بيضحك معاكوا بس مهما تفوق السنين يفتكر جرحك وكسفتك ويفضل مقتنع انه معيوب .
راعوا مشاعر الناس وبلاش كسره النفس لمجرد انك بتهزر وبتضحك ، ربنا قال الا وانك تكسر نفس حد وتستهزأ بيه.
ارمي الكلام الحلو لله ، اي حد تشوفه عرفه قد ايه هو كويس وقد ايه حلو ، بيروح فرحان ربنا بيديك ثواب علي كدا ، انك فرحت واحد لمجرد كلمه طيبه طلعت منك ، الكلمه الطيبه حسنه .

راعوا مشاعر بعض ✋👌