انا بفكر اتجوز

[walaa farouk]

ﺃﻧﺎ ﺑﻔﻜﺮ #ﺃﺗﺠﻮﺯ .. ﺍﻧﺎ ﺑﻘﻰ ﻋﻨﺪﻯ 30 ﺳﻨﻪ
ﻳﺎ ﺳﻴﺪﻯ ﻣﺒﺮﻭﻙ
ﺃﻧﺎ ﻋﻨﺪﻯ ﻟﻴﻚ ﻋﺮﻭﺳﻪ ﺑﻘﻰ ,, ﻗﻤﺔ ﺍﻻﺣﺘﺮﺍﻡ ﻭﺍﻻﺩﺏ ﻭﺍﻫﻠﻬﺎ ﻧﺎﺱ ﻣﺤﺘﺮﻣﻪ ﺟﺪﺍ
ﻋﻨﺪﻫﺎ ﻛﺎﻡ ﺳﻨﻪ؟
ﻋﻨﺪﻫﺎ 27 ﺳﻨﻪ
ﻻﺀ ﻳﺎ ﻋﻢ ﺩﻯ ﻛﺒﻴﺮﻩ ﺃﻭﻯ ﺍﻧﺎ ﻋﺎﻭﺯ ﺑﻨﺖ ﻛﺪﻩ 20 ﺍﻭ 22 ﺍﺭﺑﻴﻬﺎ ﻋﻠﻰ ﺻﻮﺍﺑﻌﻰ .
..

- ﺍﻧﺎ ﺑﻔﻜﺮ ﺃﺗﺠﻮﺯ .. ﺍﻧﺎ ﻣﻄﻠﻖ ﻭﻋﻨﺪﻯ ﻭﻟﺪ
= ﻳﺎ ﺳﻴﺪﻯ ﻣﺒﺮﻭﻙ .. ﺃﻧﺎ ﻋﻨﺪﻯ ﻟﻴﻚ ﻋﺮﻭﺳﻪ ﺑﻘﻰ ﺍﻳﻪ ﺃﺩﺏ ﻭﺍﺣﺘﺮﺍﻡ ﻭﺍﻫﻠﻬﺎ ﻧﺎﺱ ﻣﺤﺘﺮﻣﻪ ﺟﺪﺍ
- ﻋﻨﺪﻫﺎ ﻛﺎﻡ ﺳﻨﻪ ؟
= ﻓﻰ ﻧﻔﺲ ﻇﺮﻭﻓﻚ ﻛﺪﻩ ﻣﻄﻠﻘﻪ ﻭﻋﻨﺪﻫﺎ ﺍﺑﻦ ؟ .
- ﻻﺀ ﻳﺎﻋﻢ ﺍﻧﺎ ﻣﺶ ﻫﺘﺠﻮﺯ ﺍﻻ ﺑﻨﺖ ﻣﺤﺪﺵ ﻟﻤﺴﻬﺎ .. ﺑﻨﺖ ﺑﻨﻮﺕ
..

ﺃﻧﺎ ﺑﻔﻜﺮ ﺃﺗﺠﻮﺯ ﻋﻨﺪﻯ 25 ﺳﻨﻪ ..
ﻳﺎ ﺳﻴﺪﻯ ﻣﺒﺮﻭﻙ .. ﺍﻧﺎ ﻋﻨﺪﻯ ﻟﻴﻚ ﻋﺮﻭﺳﻪ .. ﺍﻟﺒﻨﺖ ﺍﻟﻠﻰ ﺍﻧﺖ ﻣﺼﺎﺣﺒﻬﺎ ﻣﻦ ﺳﻨﺘﻴﻦ ﺩﻯ ﺑﺘﺤﺒﻚ ﻭﻫﺘﺤﺎﻓﻆ ﻋﻠﻴﻚ ,.. ﺍﺩﻳﻚ ﺗﺼﻠﺢ ﺍﻟﻐﻠﻂ ﻭﺭﺑﻨﺎ ﻳﻜﻤﻠﻬﺎﻟﻚ ﺑﺎﻟﺴﺘﺮ ﺑﺄﻣﺮﻩ
ﻻﺀ ﻳﺎﻋﻢ .. ﺃﻧﺎ ﻣﺒﺘﺠﻮﺯﺵ ﻭﺍﺣﺪﻩ ﻣﺸﻴﺖ ﻣﻌﺎﻫﺎ ﺍﻧﺎ ﻣﺶ ﻫﺘﺠﻮﺯ ﺍﻻ ﻭﺍﺣﺪﻩ ﻣﺤﺪﺵ ﻗﺮﺏ ﻣﻨﻬﺎ ﺍﻧﺎ ﻣﺶ ﺿﺎﻣﻦ ﺩﻯ .. ﺩﻯ ﺳﻬﻠﻪ .. ‏( ﺃﻧﺖ ﺑﺎﺋﺲ ﻭﺗﺎﻓﻪ ﻭﺑﺮﻳﺎﻟﻪ ﻭﻫﺘﺎﺧﺪ ﻭﺍﺣﺪﻩ ﻣﺪﻭﺭﺍﻫﺎ ﻳﺎ ﺻﺪﻳﻘﻰ ‏)
..

ﺃﻧﺎ ﺑﻔﻜﺮ ﺃﺗﺠﻮﺯ .. ‏( ﺧﻄﺒﺖ ﻣﺮﺗﻴﻦ ﻗﺒﻞ ﻛﺪﻩ ﻭﻣﺤﺼﻠﺶ ﻧﺼﻴﺐ ‏)
ﻳﺎ ﺳﻴﺪﻯ ﻣﺒﺮﻭﻙ .. ﺍﻳﻪ ﺭﺃﻳﻚ ﻓﻰ ﺍﻟﺒﻨﺖ ﻛﺬﺍ ..
ﻻﺀ ﻳﺎ ﻋﻢ ﺩﻯ ﺍﺗﺨﻄﺒﺖ ﻗﺒﻞ ﻛﺪﻩ ﻣﺮﻩ ..
..

ﺃﻧﺎ ﺑﻔﻜﺮ ﺍﺗﺠﻮﺯ .. ﻋﺎﻭﺯﻫﺎ ﻋﻴﻮﻧﻬﺎ ﺧﻀﺮﻩ ﻭﺟﺴﻤﻬﺎ ﻣﺶ ﻋﺎﺭﻑ ﺍﻳﻪ ﺷﺒﻪ ﻛﻴﺖ ﻭﻳﻨﺴﻠﺖ ﻣﺜﻼ ..
- ﻛﻴﺖ ﻭﻳﻨﺴﻠﺖ ؟ .. ﻓﻠﺘﻨﻈﺮ ﻟﻨﻔﺴﻚ ﻓﻰ ﻣﺮﺍّﻩ ﻳﺎ ﺻﺪﻳﻘﻰ
....

_ ﺍﻟﺮﺍﺟﻞ #ﺍﻟﻤﺼﺮﻯ ﻣﻄﻠﻖ ﺍﻭ ﺃﺭﻣﻞ من المفروض ﻭالطﺒﻴﻌﻰ ﺟﺪﺍ انه ﻳﺘﺠﻮﺯ ﻭﺍﺣﺪﻩ ﻓﻰ ﻇﺮﻭﻓﻪ ﻣﻄﻠﻘﻪ ﺍﻭ ﺃﺭﻣﻠﻪ !
ﻻكن لاء ﺍﺯﺍﻯ ﻭﺩﻯ ﺗﻴﺠﻰ ﻻﺯﻡ ﺑﻨﺖ ﺑﻨﻮﺕ ﻭﻋﻨﺪﻫﺎ 20 ﺳﻨﻪ
ﻭﺍﻟﺒﺪﻳﻬﻰ ﺑﺮﺩﻩ ﺍﻧﻪ ﻟﻮ ﺗﺰﻭﺝ ﻭﺍﺣﺪﻩ ﻣﻄﻠﻘﻪ ﻳﻌﺎﻣﻠﻬﺎ مش كويس ﻳﻌﺎﻣﻠﻬﺎ ﻛﺄﻧﻪ ﺃﻛﺮﻣﻬﺎ ﺍﻧﻪ ﺑﺼﻠﻬﺎ ﺍﺻﻼ '((
_ ﻳﺼﺎﺣﺐ ﺑﻨﺎﺕ ﻭﻳﻌﻴﺶ ﺣﻴﺎﺗﻪ ﺍﻧﻤﺎ ﻟﻤﺎ ﻳﺠﻰ ﻳﺘﺠﻮﺯ .. ﻳﺨﺘﺎﺭ ﻭﺍﺣﺪﻩ ﻏﻴﺮ ﺍﻟﻠﻰ ﺣﺒﻬﺎ ﻭﺍﺭﺗﺒﻂ ﺑﻴﻬﺎ .. ﻭﻋﺸﻤﻬﺎ ﺳﻨﻴﻦ .. ﺑﺲ ﻋﻠﺸﺎﻥ ﺷﺎﻳﻔﻬﺎ ﺷﻤﺎﻝ ﻭﻭﺍﻃﻴﻪ ﺍﻧﻬﺎ ﺣﺒﺖ ﻭﻭﺛﻘﺖ ﻓﻰ واحد زيك
.................................................. ...

ﺍﻟﺮﺍﺟﻞ ﺍﻟﻤﺼﺮﻯ ﺩﺍﻳﻤﺎ ﺑﻴﺘﻜﻠﻢ ﻋﻦ ﺍﻟﻨﺼﻴﺐ ﻭﺍﻟﻘﺪﺭ ﻭﻗﻀﺎﺀ ﺭﺑﻨﺎ .. ﺍﻧﻤﺎ ﺑﻌﻴﺪ ﻋﻨﻪ .. ﻣﺶ ﻋﻠﻴﻪ
.. ﻭﺍﻥ ﺍﻟﺒﻨﺖ ﺍﻭ ﺍﻟﺴﺖ ﺩﻯ ‏( ﺍﻟﻠﻰ ﺍﺗﺄﺧﺮﺕ ﻓﻰ ﺍﻟﺰﻭﺍﺝ
.. ﺍﻭ ﺍﺗﻄﻠﻘﺖ ﺃﻭ ﻣﺸﻰ ﻣﻌﺎﻫﺎ ﺃﻭ ﺍﺗﺨﻄﺒﺖ ﻗﺒﻞ ﻛﺪﻩ .. ﺩﻯ ﺧﻼﺹ ﻻﺯﻡ ﺗﻨﺪﻓﻦ 😕 ﺍﻧﺘﻬﻰ ﺩﻭﺭﻫﺎ !


_ ﺍﻻﺯﺩﻭﺍﺟﻴﻪ .. ﻓﻰ ﺍﻟﻤﻌﺎﻳﻴﺮ ..
ﺗﺴﻘﻂ ﻛﻞ ﺍﻟﻤﻮﺭﻭﺛﺎﺕ ﺍﻟﻤﺘﺨﻠﻔﻪ ..
ﺍﻟﻠﻰ ﻣﻠﻬﺎﺵ ﻋﻼﻗﻪ ﺑﺄﻯ ﺩﻳن ..
ﺍﻟﺠﻮﺍﺯ ﻧﺼﻴﺐ ﻭﻗﺪﺭ ﻋﻠﻴﻬﺎ ﻭﻋﻠﻴﻚ.

[Mary Naeem]

_ ﺍﻻﺯﺩﻭﺍﺟﻴﻪ .. ﻓﻰ ﺍﻟﻤﻌﺎﻳﻴﺮ ..
ﺗﺴﻘﻂ ﻛﻞ ﺍﻟﻤﻮﺭﻭﺛﺎﺕ ﺍﻟﻤﺘﺨﻠﻔﻪ ..
ﺍﻟﻠﻰ ﻣﻠﻬﺎﺵ ﻋﻼﻗﻪ ﺑﺄﻯ ﺩﻳن ..
ﺍﻟﺠﻮﺍﺯ ﻧﺼﻴﺐ ﻭﻗﺪﺭ ﻋﻠﻴﻬﺎ ﻭﻋﻠﻴﻚ.

[walaa farouk]

ميرسى على مرورك الغالى