..
اعتذار لكل واحد كان نفسنا نساعده ...وماعرفناش !
اعتذار لكل واحد كان لازم نسأل عليه ...ومسألناش!
اعتذار للكلام اللى كان لازم نقوله ...وسكتنا ...ماقدرناش!!
والحاجات اللى كان ينفع نعملها ساعتها ....بس نسينا وماعملناش!!!
اعتذار لنص الحياة ...اللى مش متعاش !
واعتذار ...للى حبونا من بعيد ...وإحنا ماقربناش!!!
اعتذار ...
عن اللى فات ...من غير وعود باللى جاى !!
ماياما وعدنا ...وماوفيناش !
اعتذار ...يعنى محاولة ...نتصالح مع ضميرنا اللى واجعنا ...
مع تقصيرنا اللى قاتلنا !
اعتذار ...يعنى محاولة !
يعنى ...محاولة !!!
