حياتك ليك لوحدك ....

[Rena Jesus]

طبعا لو الصورة دى نزلت مع كلمة ما رأيك كل الناس هتشتمها وهتقلل منها بسبب شكلها ...
وطبعا بما ان كل الناس بتتدخل فى حياة كل الناس بطريقة تضايق كل الناس
هتلاقى ناس لطيفة بتطلب منها تنتحر

وده اللى حصل فعلا لما نزل فيديو 9 ثوانى على اليوتيوب فيه ليزى فيلاسكيز بتضحك ..
وكان نازل الفيديو بعنوان أقبح امرأة فى العالم وشافه أكتر من 8 مليون شخص !
وطلب منها كل الناس تنتحر من غير ما يعرفوا أى تفاصيل عن حياتها ..




ليزى اتولدت قبل ميعاد الولادة بـ4 شهور ، وكان وزنها 1.2 كيلوجرام !!
وكان عندها حالة مرضية نادرة جدا و 3 أشخاص بس اللى جالهم على مستوى العالم ،
الحالة دى ان جسمها ميبقاش فيه أى كمية دهون، لدرجة ان مهما أكلت وزاد عمرها بيفضل وزنها ثابت 29 كيلوجرام ،
ده غير ان بسبب المرض ده ليزى فقدت البصر فى عينها اليمين ..

ليزى حولت كل كراهية الناس ليها لطاقة تخليها تغيّر حياتها للأحسن ..
اتخصصت فى دراسات الاتصالات واتعينت متخصصة اتصالات فى جامعة تكساس فى سان ماركوس ..
صدر عنها كتب عالمية زى "الجميلة ليزى" و " كن جميلا" و "كن أنت" ..
من شخصية غير مرغوب فيها اتحولت ليزى لواحدة من أشهر الـ Public Speakers على مستوى العالم ..
وقدرت تقدم أكتر من 200 حلقة تحفيزية على مدار الـ 8 سنين اللى فاتت ..
ممكن تكون مش مقبول من وجهة نظر المجتمع،
بس تقدر تغير وجهة نظر المجتمع كله لصالحك

[Mary Naeem]

ممكن تكون مش مقبول من وجهة نظر المجتمع،
بس تقدر تغير وجهة نظر المجتمع كله لصالحك

صح يا قمر

ربنا يباركك حببتي

[walaa farouk]

ممكن تكون مش مقبول من وجهة نظر المجتمع،
بس تقدر تغير وجهة نظر المجتمع كله لصالحك

صح يا رينا
ربنا يفرح قلبك

[Rena Jesus]

ميرسى لمروركم الغالى