هو إيه معني الفراق ؟!
يعني روح بتروح وتاخد ذكريات
طب وإيه معني الحنين ؟!
يعني شئ واحشك اوي مع إنه مات
طب وإيه معني الحياه ؟!
الحياه حلم إن بكره يبقي غير كل اللي فات
طب وإيه معني الغياب ؟!
إن ألف مكان بيفضي ،
كان لقلبك ذكري فيه
طب وإيه معني الوداع ؟!
يعني واحد حب حاجه وفجأه راحت من إيديه
طب وإيه معني الوجع ؟!
يعني واحد نفسه يشكي
بس مش قادر بجد
طب وإيه معني السعاده ؟!
هي إنك تبقي مش محتاج لحاجه
وتبقي مش مستني حد !
