| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
17 - 06 - 2017, 07:09 AM
|
||||
|
||||
|
- يارب يارب...انا معنديش خمر ومحتاجه جدا عشان أفرح - إملوا أجرانه ماية!! - استنوا...استنوا !! ماية ايه بس يارب..شكلك مفهمتنيش كويس... أنا عايز خمر مش ماية!!! -ممممم...انت عايز خمر...صح كدة!!! - أيوة  أخيرا فهمتني..شكرا يارب- عايزني أديك خمر بتاع الفرح عشان تفرح...صح كدة!! - أيوة يارب تمام هو دة اللي أنا عايزه بالظبط.. - تمام....يالا إملوا أجرانه ماية - !!!! ماية تاني !!!!! يا سيدي لأ.. انا عندي ماية كتير افهمني بقي...بقولك خمر الخمر بتاع الافراح دا عشان اكمل الفرح...ماية ايه بس،هتخلي الناس تاكل وشي! - انا فاهمك جداً...أنت عايز خمر جيد عشان تفرح مع الناس - ايوووووووووة بالظبط كدا - هتعمل اللي هقولهولك ؟؟ - طبعا يارب...أنا واثق فيك.. حتي لو اديتني خمر نص نص هافرح... حتي لو خمر ردئ ف المر الذي تختاره لي احسن من الحلو الذي اختاره لنفسي... ً- كويس اوي ،حلو انك عارف الحاجات دي وحافظها...أما نشوف بقي..يالا يا شباب املوا اجرانه ماية - برضو ماية!!! ماية لأ...ماية لأ 😡😡 ليه مش عايز تديني خمر انت مش عايزني أفرح!! انت ليه بتفسد فرحتي دايما .. انت غضبان مني و بتعاقبني...صح؟!! - صدقني انا بحبك يا ابني و مش بعاقبك خالص... - امال ايه اللي بتعمله دا يارب؟!! بقالي فترة بطلب منك خمر... وانت ولا هنا و كمان عايز تديني ماية !! - لست تفهم انت الان ما انا اصنع لكنك ستفهم فيما بعد .. سلم بس انت و ثق فيا و سيبهم يصبوا الماية في الأجران! - لا لا .... متحطنيش في الموقف دة...الناس هتتريق عليا..هما في كل افراحهم ينزلوا خمر و انا ف فرحي هنزل ماية !! دا اللي مش بيطلبوك بيلاقوا خمر وانا لما اطلبك تديني ماية!! - اسمعني بس يا ابني وانت هتفرح.. - لا مش عايز اسمع انا عايز خمر بس وانا هفرح... انا هاروح للعدرا واطلب منها يمكن تسمعلها هي.. يا أمي يا عدرا اطلبي من يسوع يعمل معجزة و يديني خمر.. - العذرا: انا خلاص قولتله وهو هيديك اللي نفسك فيه يالا بقي مهما قال لكم افعلوه!! - ايوا كدا انا كنت واثق انه هيسمعلك..و أي حاجة هيقولي عليها هعملها اكيد - ف جري بسرعة علي يسوع و قاله - "أؤمرني قول اي حاجة وانا هنفذها مدام هتديني خمر" - إملوا الأجران ماية !! هنا انتفض العريس غضباناً و صرخ : لأ بقي..كفاية اوي كدا...ماية تاني!!! خلاص شكرا مش عايز حاجة...انت لا بتحبني ولا بتسمعني ولا بتحققلي اي حاجة بتمناها....ان هتصرف لوحدي ✨✨✨✨✨✨✨✨✨ كتير بنفقد ثقتنا في ربنا و مش سايبينه يشتغل ، و بنحط ثقتنا في عقلنا و قوتنا و ف أي حاجة غيره... وف الاخر نقول هو فين؟؟ كتير بنقول اننا بنسلم حياتنا لربنا و اننا واثقين فيه للنهاية....بس الصراحة احنا بنسلمه حياتنا بشروطنا احنا و عايزينه يمشيها بالمنطق بتاعنا احنا ...ولو اي حاجة عكس تفكيرنا مابنقبلهاش و بنقلب عليه كتير اوي احنا اللي بنعطل المعجزة في حياتنا.. يارب علمنا نصدقك للاخر...علمنا نثق فيك للاخر علمنا نسلملك حياتنا بجد..ونصدق فيك نسلمك إختياراتنا ، و أحلامنا ، و طموحاتنا ونبقي واثقين فيك علمنا نصدقك و نشكرك و نطيعك مهما طرقك كانت مش مفهومة لينا دلوقتي...اكيد اخرها خير لينا خلينا نتخلي شوية عن مخنا و منطقنا و اساليبنا عشان انت اكبر من كل دا خلينا نقولها من كل قلبنا إن المر الذي تختاره لي خيرٌ من الحلو الذي اختاره لنفسي...مع ان اصلا انت عمرك ماهتختارلي مر عرس قانا الجليل في ايامنا #عريس_2017_الغلباوي #علمنا_نصدقك 
|
|
#2
17 - 06 - 2017, 02:42 PM
|
||||
|
||||
|
يارب علمنا نصدقك للاخر...علمنا نثق فيك للاخر
علمنا نسلملك حياتنا بجد..ونصدق فيك ربنا يفرح قلبك
|
|
#3
17 - 06 - 2017, 07:22 PM
|
||||
|
||||
|
ميرسى كتير على مرورك الغالى مرمر  
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| علمنا نصلى علمنا نتوب | walaa farouk | أقوال الأباء وكلمة منفعة | 0 | 15 - 09 - 2022 08:51 AM |
| فان عملنا في وقت ما عملا صالحًا، فلنشكر الله على ما عملنا | Mary Naeem | كنوز البابا شنودة الثالث | 2 | 31 - 12 - 2021 03:31 PM |
| ثق وصدق فيه | walaa farouk | موسوعة توبيكات مميزة | 5 | 14 - 09 - 2017 08:49 PM |
| صراحة وصدق | Haia | قسم تطوير الذات | 6 | 19 - 10 - 2014 04:31 AM |
| لن نصدق | Mary Naeem | صور كاريكاتير | 3 | 20 - 06 - 2012 08:06 PM |
العرض العادي
