شكراااااااا

[Rena Jesus]

شكراً للزوج اللي بيساعد مراته في شغل البيت
اللي بيشيل الاكل بعد ما يخلصوا ويدخله المطبخ
اللي بيصحي من نومه ويجهز نفسه لشغله وقبل ما يمشي يبوس راسها ويحضنها
اللي بيكلمها ف نص يومه يقولها واحشتيني
اللي بيتصل بيها يقولها اجيبلك معايا ايه وانا جاي ..نفسك ف ايه
اللي ليدخل بيته بينشر البهجة والسرور فيه بابتسامته
اللي بيقول لمراته تسلم ايدك ع الاكل الجميل حتي لو عجبه اوي بس مجرد انه شايف انها تعبت عشانه

شكرا للزوج اللي يقدر تعب مراته
اللي بيخرجها من غير ما تطلب
اللي بيفتكر كل مناسبة حلوة ليها ويفاجأها حتي لو بحاجة بسيطة بس بيفرحها
شكرا للي بيفضل اعدة البيت جنبها يكلموا سوا يهزروا يلعبوا احسن من خروجه مع اصحابه
شكرا للزوج اللي لما يلاقي مراته تعبانة يقولها متطبيخيش هاجيب اكل معايا من بره ولا هناكل اي حاجة وانا اللي هعمل
شكرا للزوج اللي بيقول لمراته ادخلي نامي وانا هشيل الولد واقعد بسه وارتاحي انتي
شكرا للزوج اللي بيقول لمراته لو تعبانة متعمليش حاجة ف البيت خالص وارتاحي المهم تبقي بخير
شكرا للزوج اللي بيرفع من شأن مراته ويكبر بيها دايما قدام اهله واهلها
شكرا للزوج اللي بيرسم الفرحة وبينور وش مراته بيها

[walaa farouk]

هو فين ده يا رينا هههههههه
فين الزوج المثالى ده
ميرسى على مشاركتك الجميلة

[Mary Naeem]

شكرا للزوج اللي بيرسم الفرحة وبينور وش مراته بيها

[Rena Jesus]

ميرسى لمروركم الغالى

[Eereeny]

شكرا للزوج اللي بيرسم الفرحة وبينور وش مراته بيها

[Rena Jesus]

ميرسى لمرورك الغالى