30 يوم حب

[walaa farouk]

مينا : أعتقد أننا آخر إتنين غير مرتبطين في هذا العالم
مريم : اه .. كل صحباتى مرتبطين وإحنا آخر إتنين مش مرتبطين وكل واحد فينا عايش من غير حبيب
...
مينا : اه .. مش عارف أعمل إيه
... ...
مريم ا : أنا عارفة .. تعالى نلعب لعبه

مينا : لعبة إيه ؟

مريم: تعالى نرتبط لمدة 30 يوم , أبقي حبيبتك فيهم وتبقي حبيبى فيهم لحد وا ال30 يوم يخلصوا

مينا : مممم , فكره حلوه وانا كده كده فاضى طول الفتره اللى جايه ..

اليوم 1

دخلوا السينما لأول مرة مع بعض ومسكوا إيدين بعض وهما بيتفرجوا عالفيلم الرومانسى

اليوم 4

راحوا شاطىء البحر وإتفسحوا .. مينا مريم عاشوا وقت مميز في اليوم ده

اليوم 12

مينا عزم مريم عالسيرك وعلي بيت الرعب ,مريم كانت خايفه أوى وحاولت تمسك إيد مينا بس غلطت ومسكت إيد واحد تاني وفضلت تضحك هي و مينا عالموقف ده

اليوم 14

راحوا للعراف وسئلوه عن حظهم , العراف قال لهم : حبايبى .. متضيعوش لحظه من حياتكم وعيشوا حياتكم في سعادة مع بعض .. بعديها عين العراف دمعت وقال لهم إمشوا

اليوم 20

مريم عزمت مينا عشان يروحوا الهرم وإتفرجوا هناك على الخيل وهو بيجرى .. مريم همست ساعتها بكلام مينا مسمعهوش

اليوم 28

ركبوا باص وبسبب الطريق المتعرج الباص عمل حادثه فكانت أول مره مريم تبوس مينا عشان إتجرح

اليوم 29

الساعه 11:27 p.m

فاضل 33 دقيقه وال30 يوم يخلصوا

مينا ومريم قاعدين فى نفس المكان إللى كانوا قاعدين فيه من 30 يوم ساعت ما إتفقوا يلعبوا اللعبه دى

مينا : انا عطشان يامريم, تحبى تشربى حاجه ؟

مريم : شكرا .. ياريت بيبسى

مينا : حاضر ... إستنينى مش حتأخر

20 دقيقة عدت لحد ما مريم لقت واحد غريب بيكلمها

الغريب : إنتى صاحبة مينا؟

مريم: اه , ليه فيه إيه ؟؟؟

الغريب : سواق عربيه خبطه وهو في المستشفى حالته وحشه أوى

الساعه 11:57 p.m

الدكتور خرج من غرفة الطوارىء وكان فى إيده إزازة بيبسى وجواب لمريم..

الدكتور : إحنا لقينا الحاجات دى مع مينا

مريم قرأت الجواب وكان بيقول :

مريم.. الجواب ده انا كتبته من كام يوم , انا لقيتك إنسانه رقيقه وحلوه أوى , ولقيت نفسى بحبك بجد من غير ما أحس , إبتسامتك اللى حبتها عمرى ما حنساها , وكل حاجه حصلت بينا فى لعبة ال30 يوم خليتنى أحبك أوى .. وقبل ما ال30 يوم يخلصوا أتمنى إنك تكونى حبيبتى بجد لآخر يوم فى عمرى .. بحبك يامريم..

مريم كرمشت الجواب ودخلت غرفة الطوارىء وصرخت فى مينا وعنيها كلها دموع :مينا.. مش عيزاك تموت .. انا بحبك , فاكر يوم ما رحنا الأهرامات ؟ ساعتها انا همست بكلام إنت مسمعتهوش .. انا كنت بتمنى ساعتها إننا نفضل مع بعض للأبد ونفضل مستمرين فى اللعبه لآخر يوم فى حياتنا ... أرجوك متسبنيش يامينا, حرام عليك متعملش فيا كده .

ساعتها الساعه دقت 12:00 a.m
وقلب مينا بطل يدق ... وكانوا 30 يوم زى ما إتفقوا بالظبط .

أعطى كل المشاعر لمن تحب , إجعله يشعر أنه أغلى من الدنيا , لأنه عندما يرحل ستحزن عليه أشد الحزن , وسيكون وقت المشاعر قد فات أوانه ..
إذا كنت أغضبته إذهب إليه وأرضيه حتى لو كان رضاه على حساب سعادتك.. فلو كان لا يحبك ما كان غضب أو إنجرح منك....

—

[marit jesus]

روووووعة يالولو موضوع بجد جميل جدا

[Mary Naeem]

.. فلو كان لا يحبك ما كان غضب أو إنجرح منك....
حوار بين صديقين