للبنات اللي هتولد وهيبق عندها بيبي قريب

[Rena Jesus]

للبنات اللي هتولد وهيبق عندها بيبي قريب
نصائح مهمه جدا ليكي ولطفلك

**لبسوا الرضع هدومهم بالمقلوب الخياطه ل برا و المقفول لجوا عشان جسمهم بيتحسس اوي و هما لسه مولودين و اقطعو التكت خالص

**امسحو كل يوم رقبتهم وورا ودانهم و أيديهم بين صوابعهم و تعاريج الايد الكف من جوااا و صوابع رجليهم افحصوها كتير و قصو الخيط ف الشرابات

**امسحو تحت الباط كويس لأنه بيكون فيه جلد زيادة كدا مفروك

**حمي كل 5 أو 4 ايام دفي الاوضه بدفايه و حطي 2 طبق واحد فيه ميه نص نص و التانيه بردو و شفشق بلاستك حضري الهدو و حطيهم جوا هدومك ناحيه الصدر عشان يدفو ثم حطي ازازه الشاور في جونسون بالعسل و حبه البركه ريحته روعه و الإسفنجه الناعمة و الشامبو و الزيت و الفوطه و قلعيه و حد يمسكه و انتي ادلقي الميه و ليفي و اشطفي بسرعه و خلاص لفي جسمه ففوطه و حطيه تحت باطك كأنك ماسكه كتاب و ايدك تحت راسه كأنك ماسكه شمامه و اغسلي راسه وورا ودانه و رقبته نشفيه بعدها و أدهني الزيت دلكيه سريعا و حاولي الحته اللي تخلصيها تغطيها بالفوطه أو أي حاجه عشان ميخدش برد و لبسي

*غيار البامبرز بيكون سوء بول أو ستول بنمسح بقطن مبلول و ميه دافيه فقط لا غير الوايبس دي كارثه و بتعمل التهابات خلوها للطواريء و نششسفوو كويس جداا بعد ما تخلصو لمناديل أو فوطه قطن ناعمه للاطفال بنظام الطبطبه و البنت بنمسحلها من فوق ل تحت عشان إبراز ميدخلش ف حته تانيه و يعمل التهاب

*ادهنو كريم التسلخات حوالين فاتحه الشرج و بين الفخاد و المثلث اللي فوق و العضو التناسلي بس ف الولاد ابعدو عن فاتحه البول احسن تسدوها

*اقفلو البامبرز بس يكون في مساحه صوباعين تدخلو ايديكم اقفلو من الجناب و اتنو الحته اللي فوق من قدام تمنع تسريب البول وهتلاقو حولين الوراك كرانيش حاولو تطلعوها برا بتمنع تسريب الاستول و مضايقهمش
*
اغسلو هدومهم ب أي مسحوق غسيل جيل بلاش البودر و اشطفو الهدوم كويس كتيرررر

*لفو شاشه مبلوله ميه على صباعكم و امسحو لسانهم كويس مره ف اليوم

*اعملو تمارين افردو رجليهم و ايديهم يوميا مرتين

*قصو ضوافرهم و هما نايمين و حاولو تلبسوهم جوانتي حديثي الولادة

*اقعدو طولة النهار كلموهم كأنهم كبار احكو و أتكلمو غنو اعملو أصوات حيوانات و أغاني الأطفال و خلو اغنيه مخصصه للتغير البامبرز و اوقات الاستحمام

*رضعو كتير عشان اللبن يزيد و اشربى ماية بدون حدود

*رطبى النبيلز بعد كل رضاعه اسألو الصيدلي عن كريم بيدهن و ميكونش بيضر البيبي

الهدوم
4 قطع ف الشتا كات نص 2 بكم و بنطلون قطن ثم البيجامه أو السلوبيت انا بفضل سلوبيت يتقفل كله ب الكبسولات من فوق ل تحت لأنه بيسهل اللبس
انا بفضل حاجه اسمها شايا دي فنلات أو سلوبتات بكبسولات بتتلبس زي القميص سهله ف الاول لحد ما يكبرو و تعرفي تلبسي فنلات من عند الرقبه

النوم
حاولو من أول يوم بليل تطفو نور الاوضه و تفضلو على ضوء بسيط و بلاش تلفزيون و دوشه
الصبح نور ربنا أو نور الاوضه و شغلي التلفزيون عشان يتعود بالوقت أن في ليل و نهار و ينام و يصحا معاكم

[walaa farouk]

ميرسي على النصائح المفيدة رينا
ربنا يفرح قلبك

[Mary Naeem]

الصبح نور ربنا أو نور الاوضه و شغلي التلفزيون عشان يتعود بالوقت أن في ليل و نهار و ينام و يصحا معاكم

صح يا قمر

ربنا يباركك حببتي

[Rena Jesus]

ميرسى لمروركم الغالى