|
 |
 |
 |
|
رقم المشاركة : ( 1 )
09 - 06 - 2017, 03:09 PM
|
|||||||||||
|
|||||||||||
|
كتير من علاقات اليومين دول مبتكونش مبنيه على حب متبادل بيكون فيها طرف بيحب و الطرف التانى بيحب حب التانى ليه ، بيكون فيها طرف حاطط الطرف التانى رقم واحد فى حياته و التانى راكنه عالرف و بيلجأله وقت حاجته ليه بس .. و العلاقات دى بتنقسم لكذا نوع .. . - نوع الصداقه : لما الشخص إللي إنت بتحبُه سواء بنت أو ولد ، يبدأ يتعامل معاك ومع أي تصرف منك على إنه تصرُف من (صديق) و بالرغم من انك بتعامله كحبيب سواء مبينله حبك ده او مخبيه هيفضل يعاملك كصديق (مع إنك بتحبُه). . - النوع الأنانى : لما يحصلُه مُشكله أو مأساه أو يكتئب أو أي حاجه من النوعيه دي ، يبدأ يدور عليك لانه عارف انك اكتر واحد هتستحمله و هتسمعله ويحكيلك على إللي حاسه وياخُد رأيك وممكن تكون مُشكله عاطفيه كمان ، يعنى انتا مجرد مطيباتى مش أكتر (مع إنك بتحبُه). . - النوع التيك أواي : لما يحصلُه مشكله فى علاقته التانيه أو يزهق من الشخص التاني إللي بيحبه أو لقى نفسُه فاضي وعايز يجرب حاجه جديده ، يبدأ يجيلك ويرسم معاك على علاقه وتعيشوا الجو وكده ، ولما خلاص الوضع بتاعه إرتاح وإشتاق لعلاقته القديمه فيسيبك عادي ويرجعلُه ولا أكن حاجه حصلت بينكم ، يعنى انتا مجرد إستبن (مع إنك بتحبُه). . - النوع المزاجي : لما يبقى قاعد ومش لاقي حاجه يعملها او حد يكلمُه أو لما يكون قلقان بالليل وبتاع وعايز حد يسليه فتلاقي الشات بتاعك فتح فجاه وإسمه موجود فوق أو موبايلك بيرن و اسمه ظهر عندك وعينك تلمع وترُد عليه ، و تقعدوا تتكلموا شويه و بعد كده يا يرد ببرود يا يطنشك عشان هو كان فاضي وقتها ودلوقتي خلاص مش محتاجك يعني زيك زى كيس لب ولا بجنيه ترمس (مع إنك بتحبُه). . - النوع البطاريه: لما يكون خارج من علاقه فاشله و خد على قفاه من شخص تاني ، لازم يلجئ لحد عشان يحسسه إنه مرغوب فيه و إنه حاجه جميله و فى حد لسه عاوزه و هيموت عليه فميلاقيش غيرك فيرجع يدور عليك و يلجألك ويقعد يتكلم معاك ويمارس حياتُه عادي لغاية لما ترجعلُه ثقته فى نفسُه وتملالُه الفراغ إللي الشخص التاني سابه ، فيبدأ يطنشك يعنى مجرد شاحن عاطفى مش أكتر (مع إنك بتحبُه). . فعلشان خاطر ربنا لو كنت طرف فى علاقه انتا فيها "صديق او مطيباتى او إستبن أو كيس لب أو شاحن عاطفى" إنهى العلاقه دى فورآ حفاظآ على اللى باقى من كرامتك و شكلك قدام نفسك ... 
|
|
09 - 06 - 2017, 03:15 PM
|
رقم المشاركة : ( 2 ) | ||||
|
† Admin Woman †
|
رد: مع انك بتحبه
فعلشان خاطر ربنا لو كنت طرف فى علاقه انتا فيها "صديق او مطيباتى او إستبن أو كيس لب أو شاحن عاطفى" إنهى العلاقه دى فورآ حفاظآ على اللى باقى من كرامتك و شكلك قدام نفسك ...
ربنا يباركك |
||||
|
|
|
10 - 06 - 2017, 10:30 AM
|
رقم المشاركة : ( 3 ) | ||||
|
..::| الإدارة العامة |::..
|
رد: مع انك بتحبه
ميرسي كتير على مرورك الغالى مرمر
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| لو بتحبه |
| ازاى طفلك يحس انك بتحبه |
| انت اللي ببحبه انا |
| لما تتصور مع حد بتحبه |
| ابعد عنه حتى لو بتحبه |
العرض العادي
