|
 |
 |
 |
|
رقم المشاركة : ( 1 )
09 - 06 - 2017, 10:06 AM
|
|||||||||||
|
|||||||||||
 اول امبارح كنت بخلص حاجه مهمه ، وكنت عمال ادور علي ركنه ومش لاقي ماشاء الله ، من كتر الزحمة الناس ماشيه فوق بعضيها المهم ركنت فوق مقلب زباله ، الحته الوحيده اللي لقيتها فاضيه بعد ماخلصت مشواري وجيت طالع بالعربية وماشي علي الطريق شميت ريحة شياط 😮 ركنت العربية ونزلت شميت الاربع كاوتشات ملقتش حاجه ركبت وكملت مشي ، فلقيت الريحه زادت نزلت من العربية تاني وفتحت الكبوت وشميت جواه لربما سلك الكشاف ساح ولا حاجه بردو مفيش اي حاجه لغيت كل مشاويري وقولت اروح للكهربائي بسرعه علشان خفت ليحصل حاجه وانا ماشي ، خصوصا ان الريحه مش عايزة تروح وبتزيد وصلت عنده وحكيتله ، فلقيته بيشمشم في كل الضفاير والسلوك بتاعت العربية ، لكنه برده مكنش لاقي حاجه ، لحد ماوصل لمكان الشياط لقى جزء من شنطة زباله لازق في الشكمان من تحت قالي انت كنت راكن فوق شنطه زباله ؟ قولتله لا وحياتك مقلب زباله قالي الشكمان كان سخن ولما ركنت فوق الزباله سيح حته من الشنطه اللي وقفت فوقيها فلزقت فيه ودي اللي مطلعه الريحه معاك وانت ماشي علي قد مافرحت انها طلعت حاجه تافهه علي قد مازعلت اني ضيعت كم مشوار مهمين جدا بسبب وسواس ملوش وجود بوظلي ترتيباتي كلها كم مرة ركنت حياتك مع ناس شوهوها وخلوها ملهاش معني ولا طعم كم مرة ركنت حياتك وسط ناس اثروا عليك بالسلب في ان حياتك فاضيه ملهاش لزمة كم مرة شحنوك طاقة سلبيه وكسروا مجاديفك كم مرة قصقصوا ريشك علشان تبطل تطير وتحلم وفجاة ، الدنيا اسودت في عينيك وحسيت انها فعلا ملهاش طعم ، واقتنعت تماما انها كده فعلا وبقيت عايش يومك بالعافية وبتتمني يخلص في اسرع وقت كل ده بسبب زبالة كلامهم اللي لزقت في حياتك وخلتك ماتشوفش غير الجانب السئ ابو ريحه وحشه ... اتكل علي الله واتعلم لما تركن حياتك ، تركنها في مكان صح يمدك بالطاقه والايجابيه تركنها علي وعود الهك اللي كلها صريحه ومابتخييبش ، يقول " لا اهملك ولا اتركك " ياما ناس كانت حاسه بالفشل في حياتها لدرجة انها سلمت نفسها ليه وامنت انها فعلا فاشله وان فعلا فيه حاجه غلط ، مع ان كان كل الموضوع مجرد " وسواس " من الأخر ، مترميش ودانك لحد وعيش حياتك بكل فرح وايجابيه وثقه بالله ووعوده هتحس بفرق كبير ، خصوصا اللي دايما بيأمل الخير بيلاقيه .. ومهما كان في حياتك جوانب كتير مظلمه ، أكيد هتلاقي جانب حلو تستمد منه روحك اللي هتكمل بيها 
|
|
09 - 06 - 2017, 12:49 PM
|
رقم المشاركة : ( 2 ) | ||||
|
† Admin Woman †
|
رد: مجرد وسواس
كم مرة ركنت حياتك مع ناس شوهوها وخلوها ملهاش معني ولا طعم
ربنا يبارك حياتك |
||||
|
|
|
10 - 06 - 2017, 10:46 AM
|
رقم المشاركة : ( 3 ) | ||||
|
..::| الإدارة العامة |::..
|
رد: مجرد وسواس
ميرسي كتير على مرورك الغالى مرمر
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| نسناس العالم الجديد |
| وسواس الحب |
| وسواس |
| نسناس |
| شماس عنده وسواس |
العرض العادي
