الحب يحتاج أكتر من الحواس

[Rena Jesus]

الحواس الهدف منها استكشاف العالم المحيط بينا و بناء صورة مصغرة ليه في عقلنا ..
فلما مثلا تيجي تتعامل مع التفاح لاول مرة في حياتك بتلاقيك بتلمسه بايدك و تدوق طعمه ببوءك ..
في محاولة مبسطة لتجميع اكبر كم من المعلومات عشان تحفظ الشئ اللي اسمه تفاح ده جواك ..

بس لما بنيجي نحب حد و نحاول نتعامل معاه بحواسنا المحدودة ديه ، يحصل عندنا زي تخبط في حواسنا أو ربكة مبررة ..
فبنقي عاوزين نلمس صوته ، ندوق ملمسة ، نسمع أبتسامته و حتي نشم احساسه !
الوضع بيبقي كأنك عاوز كل حواسك البسيطة ديه تشتغل بعنف و قوة لإحتواء و إلتهام الشخص ده !!
فأحنا مش عاوزين بس نعمل صورة مصغرة ليه جوا عقلنا انما ندخله ككيان كامل جوا كل ثنايا نفسنا ،
نمزج كيانه الجميل ده جوا روحنا ، نتحد بيه بس لمستوي ابعد من مجرد اتحاد جسد مادي محكوم بمساحة من الفراغ ..
نتعمق في كل تفاصيله و نشاركه كل انفعالاته..
فيبقي الموضوع مش مجرد استكشاف كيان صلب جامد زي تفاح أنما لحظة مزج نفسي و تفاعل روحي مع أنسان بتحبه ..
..

فالحب ببساطة هو لما تحتاج اقوي من مجرد حواسك الارضية لتتواصل مع الإنسان اللي بتحبه ..

cpd

[walaa farouk]

فالحب ببساطة هو لما تحتاج اقوي من مجرد حواسك الارضية لتتواصل مع الإنسان اللي بتحبه ..

ميرسي على مشاركتك الجميلة رينا

[Mary Naeem]

فالحب ببساطة هو لما تحتاج اقوي من مجرد حواسك الارضية لتتواصل مع الإنسان اللي بتحبه ..
ربنا يبارك حياتك

[Rena Jesus]

ميرسى لمروركم الغالى