جمعية خيريه عملت انتخابات داخليه علشان يختاروا ممثل عنها امام جميع المحافظات والدول .. وكانت شارطه ان اللي يرشح حد للمنصب لازم يكون غني علشان يقدر يساعد الجمعيه وميبقاش مجرد منصب شرفي وخلاص
اترشح ناس كتير من داخل الجمعيه وخارجها ..
واللجنه المشرفه عملت بحث عن ممتلكات كل المرشحين علشان يختاروا افضلهم واغناهم ..
وبين التنافس الكبير اللي كان ملحوظ علي معظم المترشحين للمنصب
كان فيه انسان بسيط جدا محلتوش حاجه يقدر يخدم بيها الجمعيه .. الأمر اللي اعتبرته اللجنه انه نوع من السخريه ليهم
و يوم اعلان النتيجة اختارت اللجنه اكثرهم مالاً .. ومكتفتش بكده
حبت تسخر من صاحبنا علناً اعتباراً ان قبوله للترشح كان بداية السخريه
وبعد سخريه كل الموجودين منه.. قرب للمنصه وقال ..
اعزائي .. الغنى مش قميص كلاسيك ولا حزام توكته فضي
ولا جزمة جلد لميع ولا تسريحه شعر عظيمة ولا نضاره شمس فخمه ولا عربية احدث موديل ولا برفان جايب لاخر الشارع ولا كم الفلوس اللي في البنوك ولا نوع السيجارة اللي بين الصوابع ولا المناصب ولا انت ابن مين ولا مكان السكن ولا بتصيف فين كل سنة ولا كم ختم علي باسبورك ولا ولا ... الخ
الغنى الحقيقي غنى العقل .. الرحمة .. الطيبه .. الإنسانيه .. الإحتواء .. البسمه .. الشبع ..الفكر .. العطاء .. الخ
وختم كلامه في ابتسامه كشفت عن تجاعيد وشه
يحترمون صاحب المال الا ان تنفذ ثروته .. اما صاحب الرحمة فيظلوا يحترمونه الا ان تلفظ انفاسهم ...
مين فيكوا غني !!
