ظهورات الشهيدة فيلومينا العجائبية مفرحة القلوب

[walaa farouk]

تحكي صاحبة المعجزة وتقول : فيلومينا جائت لي في الحلم وعرفتني بنفسها وانا لم اكن أعرفها من قبل في يوم 16/8/2014 وانا نايمه حلمت اني في حفله سمر في مؤتمر والحفله كانت في مكان مفتوح وكانت بليل ولاقيت حمامة بيضة جات ناحيتي وقربت مني اوى وطارت ورجعت قربت مني بنفس الطريقة مرتين تاني في تالت مره مسكتها من ذيلها بأيدي الاتنين و بعدين تركتها ومشيت أمامي عده خطوات وانا بتابعها من ظهرها وبعدين بدأت تتجسم وأخذت حجم طفلة عندها 12 أو 13 سنة في الأول انا ظننت انه الملاك ميخائيل لأن كانت لابسه البرنس لونه نبيتي داكن وفيه برونز فقالت اشوف لون البوط فلاقيته لونه ابيض بتاع طفله فتأكدت انه مش الملاك ميخائيل وان دي طفله وفجأة لاقت نفسي معاها في كنيسة كبيرة وسقفها زي سقف كنائس الغرب بيبقي مثلث ووقفت معاها في آخر الكنيسة ناحية صفوف الرجال عند مأسوره أجساد القديسين لكنها كانت فارغة ولاقيت قديستنا معاها صورة كبيرة للكنيسة المنتصرة التي تضم كل الشهداء والقديسين وبدأت تشرحلي قصة حياتها بالرموز بقيت ترسم دائرة على صوره القديس اللي اتعذب زيها أو بتول زيها وتكتب اسمه في ورقة معاها وبعدين بتقولي شهر مايو فأنا قولتلها اول مايو عيد مارجرجس فكتبت اسمه في الورقة فأنا سألتها انتي كتبتي مارجرجس ليه فبصتلي بمنتهى الفخر والشموخ وقالتلي عشان انا اتعذبت واتحرقت بالنار زيه وانا كنت مبهورهه بيها وبجمالها وثقتها بنفسها بالرغم من صغر سنها وبقولها طب انتي مين انتي مهرائيل؟؟
فجاوبتني بعينيها وقالتلي لأ لأن هي في نفس سن الشهيدة مهرائيل وفعلا قرأت معجزة بعد كده لراهب شافها وقال إنها عامله زي مهرائيل وبعدين انا قولتلها باركينا وبقيت بحط أيدي على كتافها أخذ بركتها وطلبت منها تصلي لأمي واخواتي وبدأت ابكي وانا بقولها تصليلهم وهي كمان بدأت تبكي لما شافتني ببكي واستيقظت من النوم من غير ما أكون عرفت هي مين لكني اتفاجأت بنفسي بقوم من النوم وأقول فيلومينا وانتبهت للي انا بقوله و انا مستغربه الاسم ده جه ازاي علي لساني وانا اصلا معرفش قديسة بالاسم ده
قولت ادخل على النت واشوف في قديسه بالاسم ده ولا لأ!!!
وفعلاً لاقيت قصة حياة فيلومينا وهي بتحكيها بنفسها لما ظهرت لراهبة وعرفت أن عيد استشهادها في 10 أغسطس وهي عرفتني بنفسها في نفس الاسبوع وعرفت أنها معظم الوقت بتحب تعرف نفسها لأي حد في شهر اغسطس وعرفت أن جسدها في دير مارجرجس الراهبات بمصر القديمة وايقونه الكنيسة المنتصرة اللي كانت معاها مش موجودة غير في دير مارجرجس الراهبات وأيضا عيد اكتشاف جسدها في 25 مايو كل التوافق في أحداث الرؤية اللي شوفتها وجدت انها متوافقها مع كل المعلومات اللي وجدتها عن فيلومينا وأيضا صورها على النت وملابسها وشكلها وحجمها متوافق مع ما رأيته في الحلم أيضا وجدت في أسلوب اكتشاف جسدها أن وجدوا حجر عليه رموز بتحكي قصة حياتها وهذا مثل ما فعلت معي وحكتلي قصتها بالرموز وأيضا الدم الداكن اللون الذي وجدوه بجوار جسدها عندما فصلوه من الإناء المكسور الذي كان فيه ووضعوا في إناء آخر وجدوا الإناء بيلمع وبيضوي والدم الداكن بيلمع وبيضوي زي الفضة والذهب وهذا نفس لون البرنس النبيتي الغامق اللي كان بيضوي من البرونز اللي فيه وأيضا يرجع معاناه لونه ده دليل على استشهادها وسفكها لدمها الطاهر من أجل ربنا وإلهنا وعريس نفوسنا ربنا يسوع المسيح بركة صلوات وشفاعه الشهيدة الجميلة فيلومينا العجائبية مفرحة القلوب تكون معانا وتصلي من اجلنا

[Mary Naeem]

بركتها تكون معنا

ربنا يبارك حياتك

[walaa farouk]

ميرسى على مرورك الغالى مرمر

[بنت معلم الاجيال]

صلوات وشفاعه الشهيدة الجميلة فيلومينا العجائبية مفرحة القلوب تكون معانا وتصلي من اجلنا

قديسة بجد جميلة قوووووووووووي

[walaa farouk]

ميرسى على مرورك الغالى