|
 |
 |
 |
|
رقم المشاركة : ( 1 )
25 - 05 - 2017, 08:39 AM
|
|||||||||||
|
|||||||||||
 _اللي قرر ان ماينفعش ولد يتجوز بنت اكبر منه... _هو نفسه اللي قرر انه ماينفعش ولد يتجوز بنت اطول منه... _هو نفسه اللي قرر انه لازم الولد يتجوز البنت بيضا وحلوة ورفيعة وإلا تبقى معيوبة... _هو نفسه اللي قرر ان البنت ماينفعش تتجوز قبل اختها الكبيرة... _هو نفسه اللي قرر ان في حاجة اسمها كليات قمة اللي دخلها ماجبتوش ولادة حتى لو داخلها اصلا بفلوس ابوه... _هو نفسه اللي قرر ان الراجل برستيجه في شهادته والtitle بتاعه في الشغل حتى لو طموح وشاطر وحِرك وشيك وبيكسب كويس... _هو نفسه اللي قرر ان الشياكة بدلة وجزمة بكعب ... _هو نفسه اللي قرر ان نيش السفرة ومحتوياته أهم من العريس نفسه... _هو نفسه اللي قرر ان القايمة هي اللي هتحافظ على البنت من المرمطة... _هو نفسه اللي قرر ان العريس لو شقته مش تمليك يبقى مايلزمناش... _هو نفسه اللي قرر ان العروسة لازم تلبس فستان بالآف الجنيهات لمدة ساعتين والعريس يلبس بيبيون يبقى هيموت منها عشان يبقى شكلهم حلو... _هو نفسه اللي قرر ان الفرح لازم يبقى متكلف جدا والعريس والعروسة يقضوها رقص قدام الناس وإلا يبقى فرح وحش... _هو نفسه اللي قرر ان الصالون بتاع الضيوف يبقى مساحته نص الشقة ومكتوب عليه ممنوع اللمس... _هو نفسه اللي قرر اننا ماينفعش نتجوز وفي شوكة ناقصة في البيت... _هو نفسه اللي قرر ان كل ماتجيلك فلوس حوشيها واشتري دهب وألماظ ولو سافرتي واتبسطي بيها تبقي هبلة ومش عارفه مصلحتك... _هو نفسه اللي قرر اننا ماينفعش نسمي ولادنا اسم احنا بنحبه لمجرد انه "منتشر"... _هو نفسه اللي قرر ان العيال ماينفعش تكتب على حيطان اوضتها... _هو نفسه اللي قرر ان الراجل اللي يساعد مراته في البيت مراته هتتمرع عليه... _هو نفسه اللي قرر ان المطلقة او الأرملة مواطن درجة تانية ملهاش نفس حقوق الأولى وسهل الإستغناء عنها والتلاعب بمشاعرها... _هو نفسه اللي قرر ان الشارع بتاع السايس وان ال tips من حق البياع وإلا تبقى بخيل ومن حقهم يشتموك... احنا بقينا بنلبس ونتجوز وندرس ونشتغل عشان احلام وقرارات وطموحات ناس غيرنا!! تابوهات لو الأجيال الجديدة مش هتغيرها وتطلع بره الصندوق هيفضل اللي بيسموه "المجتمع او العُرف " ده ياخد قرارات لحد ما يوصلك انك تبقى إنسان آلي ممسوخ بتتجوز وتعيش بالريموت كونترول! ــ بقلم: الفنان أحمد_حلمي 
|
|
25 - 05 - 2017, 09:13 AM
|
رقم المشاركة : ( 2 ) | ||||
|
..::| الإدارة العامة |::..
|
رد: إنسان آلي ممسوخ بتتجوز وتعيش بالريموت كونترول!
احنا بقينا بنلبس ونتجوز وندرس ونشتغل عشان احلام وقرارات وطموحات ناس غيرنا!!
ميرسي على مشاركتك الجميلة رينا |
||||
|
|
|
25 - 05 - 2017, 11:55 AM
|
رقم المشاركة : ( 3 ) | ||||
|
† Admin Woman †
|
رد: إنسان آلي ممسوخ بتتجوز وتعيش بالريموت كونترول!
احنا بقينا بنلبس ونتجوز وندرس ونشتغل عشان احلام وقرارات وطموحات ناس غيرنا!!
صح يا قمر ربنا يباركك حببتي |
||||
|
|
|
31 - 05 - 2017, 07:33 AM
|
رقم المشاركة : ( 4 ) | ||||
|
..::| الاشراف العام |::..
|
رد: إنسان آلي ممسوخ بتتجوز وتعيش بالريموت كونترول!
ميرسى لمروركم الغالى
 |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| عاوز تحب وتعيش |
| ياله من بائس وتعيس |
| 8 إجابات خاطئة على سؤال بتتجوز ليه؟ |
| نجوى فؤاد .. الرقاصة بتتجوز كتير عشان .. ! |
| ريموت كونترول |
العرض العادي
