كلمة " وحشتني " من أنقي الكلمات إللي وأنت بتقولها بتخرج معاها من جواك شعور بالأشتياق للشخص ده ، إللي هو أنت شعورك إتجاهه إنك عايز تحضنه لحد ما ينام جوة حضنك... أوقات كمان الشعور ده بيوصل بيك إنك عايز تاكل الشخص ده من كتر ما هو واحشك وتلقائي أول ما يبدأ بينكم الكلام تخرج منك " وحشتني " أوقات تانية الكلمة دي بتتقال بمنتهي القهر والقسوة ، إللي هو أنت بتحب شخص ، والمسافات والظروف والوقت والعالم مانعكم تماما إنكم تقابلوا بعض ، ف تخرج منك في صورة " وحشتني " لكن من جواك شخص تاني بيقول بشكل عشوائي " أنا بحبك ، نفسي أشوفك ، عايز أتكلم معاك وعيني في عينيك ، عايز ألمسك ، إحنا أحق إتنين في العالم ببعض ، وتنتهي الحرب جواك في النهاية لما تدرك قد إيه الموقف كل ما تفكر فيه يكسر فيك جزء ، وتخرج منك " وحشتني " بمنتهي الحب والأستسلام ..
24 - 05 - 2017, 07:40 AM
العرض الشجري