|
 |
 |
 |
|
|
|
رقم المشاركة : ( 1 )
16 - 05 - 2017, 09:25 AM
|
|||||||||||
|
|||||||||||
 (( .. لا تشعر بالضرب حين تكون حرا ان ترده, انت تشعر به هناك حين يكون عليك فقط ان تتلقاه, ولا حرية لك ولا قدرة لديك على رده, هناك تجرب الإحساس الحقيقي بالضرب, بألم الضرب .. لا مجرد الألم الموضعي للضربة .. إنما بألم الإهانة !! حين تحس أن كل ضربة توجه إلى جزء من جسدك توجه معها ضربة أخرى إلى كيانك كله, إلى إحساسك وكرامتك, ضربة ألمها مبرح لأنها تصيب نفسك من الداخل .. الضرب, ذلك النوع من الضرب, حين يتحول المضروب إلى أنقاض إنسان مذعورة, أنقاض تتألم. وبوعي تحس نفسها وهي تتقوض إلى أسفل. وبإرادتها الخانقة تمنع نفسها من أن ترد, ويتحول فيها الضارب إلى أنقاض إنسان من نوع آخر وكأنه إنسان تهدم إلى أعلى, يسعده الألم الذي يحدثه في ابن جنسه, ويستمتع بإرادة. وبإرادة ايضا يقتل الاستجابة البشرية للألم في نفسه فلا يكف إلا ببلوغ ضحيته أبشع درجات التهدم والتقوض, وبلوغه هو أخس مراحل النشوة المجرمة.. )) ممدوح عدوان ( كتاب حيونة الإنسان ) من أعظم الكتب اللي أتكلمت عن الـ Dehumanization ( نزع صفة الإنسان من الشخص ) هو كتاب " حيونة الإنسان " لممدوح عدوان و اللي شرح فيه ازاي الإنسان بيتحول لكائن تاني غير إنسان و اللي شبهه في كتابه بالحيوان .. عدوان أتكلم عن مدي تأثير القهر في تحويل الإنسان لحيوان و استشهد بتعذيب المسجونين نفسيا و جسديا و ازاي بيخرجوا من المعتقلات كائنات لا يمكن تكون أدمية أنما أشبه بحيوانات مفترسة علي الاستعداد للفتك باي حاجة تقف قصاد رغبتها او شهوتها .. بس الحقيقة إن الـ Dehumanization ده سلوك مدروس و محسوب , ي عني فن القائمين بيه بيبدعوا فيه عشان يعرفوا يوصلوا لهدفهم صح و هو ازاي تحول الإنسان لكائن تاني غير الإنسان ... و بيكون المقصود بيه عداء الإنسان ده , زي مثلا وصم فئة كبيرة من البشر بصفات او اسامي حيوانات زي ( خنازير او كلاب ) فيبتدي اللاوعي الشخص يتعامل معاهم علي الاساس ده !! بس الحقيقة إن الـDehumanization مش بس في الضرب و الإهانة و السب أنما ممكن بطرق تانية أكتر غرابة و أبعد عن خيالنا ... فالكاتب و الممثل David Wong بيقول ان اقوي طريقتين لنزع اي صفة انسانية عن شخص هما الـ dismissing ( التجنب او الأهمال ) و الـ idolizing ( أقرب للتقديس او تأليه ) !! ... لما عدوان اتكلم عن جوهر القهر في سلب الإنسان من حريته ككائن بشري كان بيتكلم بصفة عامة و مفيش حاجة ممكن تكون ضد حرية الإنسان قد نزع عنه حقه في الغلط !! من اكتر الممارسات القهرية اللي بنمارسها تجاه اي شخص هي تجريده من حقه في الخطأ ! .. بداية بالطفل الصغير اللي مينفعش يغلط .. للصديق اللي مينفعش يطلع منه عيبه .. للحبيب اللي لا يمكن يتغفر له .. للاب اللي مينفعش يكون له ماضي مشكوك فيه قدام اولاده .. لنماذج كتير في حياتنا بنقهرها و بنحسبها في قفص خيالي من نسيج اليوتوبيا بنظرتنا الضيقة الخانقة تجاههم ! فعاوز تدرك مدي أيمانك في حق الاخر في التمتع بانسانيته ركز في نظرتك له كانسان كامل بدون انتقاص من اي حق من حقوقه .. بدون قيود او حواجز , سواء قيد مادي زي رباط بتربط بيه ايده عشان تضربه او سجن واقعي حابسه فيه و مانع انطلاقه و احلامه او قيد نفسي عبارة عن ترهيب و تخويف من القيام بسلوك من حقه انه يعمله .. فالإنسان لا هو حيوان او شئ .. و لا هو أله او معصوم من الخطأ .. أنما هو بكل ما تحمله الكلمه من تعقيدات و تناقضات و عيوب .. هو إنسان .. cpd 
|
|
16 - 05 - 2017, 11:01 AM
|
رقم المشاركة : ( 2 ) | ||||
|
† Admin Woman †
|
رد: الأنسان هو انسان فقط
فالإنسان لا هو حيوان او شئ .. و لا هو أله او معصوم من الخطأ .. أنما هو بكل ما تحمله الكلمه من تعقيدات و تناقضات و عيوب .. هو إنسان .. صح يا قمر ربنا يباركك حببتي |
||||
|
|
|
16 - 05 - 2017, 05:56 PM
|
رقم المشاركة : ( 3 ) | ||||
|
..::| الإدارة العامة |::..
|
رد: الأنسان هو انسان فقط
فعاوز تدرك مدي أيمانك في حق الاخر في التمتع بانسانيته ركز في نظرتك له كانسان كامل بدون انتقاص من اي حق من حقوقه .. مشاركة رائعة يا رينا |
||||
|
|
|
18 - 05 - 2017, 07:22 AM
|
رقم المشاركة : ( 4 ) | ||||
|
..::| الاشراف العام |::..
|
رد: الأنسان هو انسان فقط
ميرسى لمروركم الغالى
 |
||||
|
|
 |
|
العرض المتطور