الكلام لكل فرد من أفراد الشعب ليس قاصر على الخدام
اقنعني
🤔
إنك متعرفش تخدم
🤔إقنعنى🤔
ان الخدمة عبارة عن انك تمسك ميكريفون 🎙 وتوعظ بس غير كدا متبقاش خدمة
🤔إقنعنى🤔
إنك لازم تكون من المفسريين العظام للكتاب زى
غير كدا متبقاش خدمة
🤔إقنعنى🤔
انك لازم تكون لاهوتى ضليع واكليريكى فظيع غير كدا متبقاش خدمة
🤔 إقنعنى🤔
انك لازم تكون مشهور و محب للخطاة ونارى فى الخدمة زى غير كدا متبقاش خدمة
🤔إقنعنى🤔
انك لازم تكون كاروز عظيم ومبشر فخيم
غير كدا متبقاش خدمة
🤔إقنعنى 🤔
انك لازم تكون رمز للعطاء وتعول الاف اﻷسر المحتاجة وتدفع من اعوازك غير كدا متبقاش خدمة
لا ✋🏻لا✋🏻 لا ✋🏻لا✋🏻 لا✋🏻 لا ✋🏻لا✋🏻 لا ✋🏻لا✋🏻لا✋🏻لا✋🏻
عند الهنا😇 المحب لجنس البشر الحكاية تختلف 💓 بيقبل اقل الامكانيات واقل الخدمات واقل العطايا واقل التضحيات ويعتبرها خدمة
🤔أقنعنى بقى 🤔
ان كوب ماء بارد فى جو حر................ دى عند ربنا مش خدمة
🤔إقنعنى بقى 🤔
انك تواسى حزين لوفاة عزيز ليه وتطيب خاطره ................دى عند ربنا مش خدمة
🤔إقنعنى بقى 🤔
انك تبعت رسايل عادية او فايبر او واتس اب من موبايلك لمجموعة من اخواتك وزمايلك فيها (ايه او مقوله او كلمة تشجيع ) او تخلى الفيس بتاعك مفيد مش معثر وتخلى الكل ياخد منه معلومة ..........دى عند ربنا مش خدمة
🤔إقنعنى بقى 🤔
انك لو قعدت مع طالب تعبان فى مذاكرة مادة وانت بالنسبه لك بسيطة وتفكله مشكلتها ..........دى عند ربنا مش خدمة
🤔إقنعنى بقى 🤔
اقنعنى لو فيه اتنين متخاصمين او شايلين من بعض وانت زرعت سلام بينهم وصالحتهم ............دى عند ربنا مش خدمة
🤔إقنعنى 🤔
انك لو اتعلمت برنامج word او excel او potoshop او powerpoint او movimaker البرامج اللى كل الخدمات بتحتاجها فى تحضير اوراق تخص الخدمة او تحضير صور حفلة........ دى عند ربنا مش خدمة
🤔إقنعنى بقى 🤔
انك لو اشتريت كتاب العاب او نزلت برنامج عن العاب جديدة للاطفال وخدت منه كام لعبة وعملتهم فى يوم روحى ولا كرنفال وبسببك الطفل فرح وحب كنيسته
عند ربنا دى مش خدمة
🤔إقنعنى بقى 🤔
إنك لو رحت مع خدام اخوة الرب وساعدتهم فى العد والتخزين فى المأكولات والمشروبات وتجهيز الملابس فى الاعياد بدون ماتحتك باى فرد من اخوة الرب علشان انت متتحرجش وتبقى خدمتك فى الخفاء .............دى عند ربنا مش خدمة
🤔 إقنعنى بقى 🤔
إنك لو حبيت تندر ندر لشهيد وقديس انك لازم تندر لديره او كاتدرائيته اللى على اسمه لا
ممكن تندر هدية (صورة _نبذه _كتاب -برواز) بنفس تمن الندر لفصول مدارس الاحد او اى اجتماع بتعمل فى كنيسة القديس اوالشهيد وشوف كام واحد هيفرح بسببك............دى عند ربنا مش خدمه
🤔إقنعنى بقى 🤔
لو فيه مريض وانت فى بلد المستشفى بتاعته وانت جبتله علاجه منها او وصلته معاك ليها فى القطر بتاعك ولا اتوبيسك ............دى عند ربنا مش خدمة
🤔إقنعنى بقى 🤔
انك لو شخص ضعيف والناس كله جايه عليه وانت دافعت عنه وجبتله حقه............. دى عند ربنا مش خدمة
🤔إقنعنى بقى 🤔
انك لو رحت خدمة وخدت فيها اقل الادوار عند ربنا دورك مش مقبول وخدمتك مش مهمة
التلاميذ القديسين الاطهار لمو السلال المملوءة من كسر الخمس خبزات
ومعلمنا الصالح علمنا ان الخدمة هى فى غسل الارجل وعدم محبة الظهور والنصيب الاكبر
ومن اراد يكون لكم سيدا فليكن لكم خادما
🤔إقنعنى بقى🤔
إن لما نسافر السما مش هنتصدم😳 لما نشوف خدام عمرنا ماسمعنا عنهم فى كتب باجزاء ولا نبذات وعلى صفحات الفيس
بس قدموا حياتهم بصورة خفية مرضيه امام الله وقبلو اقل الادوار واكترها سرية وكانت عند مخلصنا كفلسى الارملة اللى فى عين مسيحنا دفعت اكتر من كل اغنياء جيلها
😇الهنا مش هيسألنا بكم وكام خدمت
هيسألنا كيف وازاى قدمت💓💓
