|
 |
 |
 |
|
رقم المشاركة : ( 1 )
10 - 05 - 2017, 05:46 PM
|
|||||||||||
|
|||||||||||
 انا كاثوليكى .. انا ارثوذكسى عجبنى أبونا داود لمعى لما قال .. اوعى تفتكر انه هايكون فى ملاك واقف على باب السما هيسألك لو كنت مؤمن بعقيدة انبثاق الروح القدس من الآب بس ولا الآب والابن .. لكن ممكن يسألك .. عندك ثمار للروح القدس ؟ لازم تعرف ان الكاثوليك والارثوذوكس هما نتيجة للصراع بين الشرق والغرب .. والسبب الحقيقى هو تتدخل الاباطرة فى شئون الكنيسة واستغلالهم لخلافات البطاركة فى مجمع خلقدونية – وعلى فكرة سبب الاختلاف كان لسوء فهم (ترجمة كلمة) .. طبيعة وطبيعتين – وبعدها ارسلت الدولة البيزنطية - واللى هى كانت امتداد للدولة الرومانية – جيوشها لارغام الغير خلقدونيين للاعتراف ان للمسيح طبيعتين .. وان كان طبعا هدف الامبراطور الغير معلن هو توسيع نفوذه فى الشرق .. واستمر الاضطهاد البيزنطى للغير خلقدونيين 190 سنة .. الى ان بدأت الغزوات والفتوحات الاسلامية تتسع الى اسبانيا .. وبعدها ارسلوا الحملات الصليبية لاستعادة سيطرتهم على الشرق وتحرير القدس .. ده اختصار سريع لتاريخ طويل . تعالوا نشوف دلوقت فى العصر الحالى .. مفيش تداخل بين رجال الدين والدولة فى الغرب ومفيش صراع بين الشرق والغرب .. وكمان الفاتيكان تأسف عن الحروب اللى قامت لاسباب دينية .. ودعى كل الكناس الارثوذكسية الى الوحدة والغى الحرومات اللى كانت واعلن اعترافه بكل اسرار الكنسية الارثوذكسية .. العماد .. والتناول .. والكهنوت .. الخ .. وفى مطالب كتيرة من الشعب لانهاء الانقسام بين الكاثوليك والارثوذكس .. لكن الكنيسة الارثوذكسية لها تحفظات على الكنيسة الكاثوليكية وهى : أولا: ان بابا روما خليفة القديس بطرس وهو اللى يرأس كنايس العالم .. ومن قال ان القديس بطرس كان يرأس الرسل .. وكمان .. القديس بولس هو اللى أسس كنيسة روما مش القديس بطرس ثانيا : ان الروح القدس منبثق من الآب والابن .. علشان فى آية صريحة بتقول "رُوحُ الْحَقِّ، الَّذِي مِنْ عِنْدِ الآبِ يَنْبَثِقُ" (يو 15: 26) .. وان كانت الكنيسة الكاثوليكية بتقول اننا لو قلنا من الآب بس .. برضو صح .. لان الآب والابن واحد ثالثا : الحبل بلا دنس .. لان مصدرها كان رؤية ومفيش لها اى اثبات من الانجيل وان العدرا بنفسها قالت .. تبتهج روحى بالله مخلصى .. يبقى ازاى حُبل بها بلا دنس رابعا : المطهر .. لانها عقيدة ظهرت فى القرن الثالث عشر فقط .. ولان برضو مفيش اى آية فى الانجيل بتقول ان الواحد هايدخل ملكوت السموات بعدما يقضى فترة فى المطهر بعدما يتطهر من خطاياه .. والآية اللى بتقول ان اللى يجدف على الروح القدس إنه "لا تغفر له في هذا العالم، ولا في الدهر الآتي" (متى12: 32) برضو مفهاش ان هايدخل مطهر . وغير كده فى حاجات تانية عليها اعتراضات من الكنيسة الارثوذكسية .. طيب دلوقت .. انا كاثوليكى .. انا ارثوذكسى .. مطلوب منى اية ؟ .. خليك زى ما انت صلى من أجل وحدانية القلب وبعد كده ربنا يكمّل وحدة الكنايس .. وحاليا فى مجهود كبير من كل الكنايس بيبذل .. لكن لسه شوية. انت واثق ان عقيدتك صح .. كويس حلو .. بس حط فى دماغك كمان ان اخوك اللى فى الكنيسة التانية برضو صح وانك مش هاتدخل السما لانك كاثوليكى او ارثوذكسى .. لا .. لكن علشان انت بتحب ربنا وبتحب اخوك كنفسك قمة الحب شوفتها هنا فى النمسا فى الكنيسة الكاثوليكية وهى بتساعد الكنايس الارثوذكسية لدرجة انها بتهديهم الكنايس المقفولة اللى مفيش لها شعب والكاردينال شينبورن بيحب الكنيسة القبطية الارثوذكسية جدا وبيكون فرحان لما يجى ويشوف الكنيسة مليانة اطفال وفى مرة قال انا فخور لانكم من العائلة المسيحية فى النمسا .. هو ده الحب اللى يدخل الواحد السما. فيليب بخيت 
|
|
10 - 05 - 2017, 06:36 PM
|
رقم المشاركة : ( 2 ) | ||||
|
† Admin Woman †
|
رد: انا كاثوليكى .. انا ارثوذكسى
انا فخور لانكم من العائلة المسيحية فى النمسا .. هو ده الحب اللى يدخل الواحد السما مشاركة جميلة جدا ربنا يبارك حياتك |
||||
|
|
|
10 - 05 - 2017, 08:56 PM
|
رقم المشاركة : ( 3 ) | ||||
|
..::| الإدارة العامة |::..
|
رد: انا كاثوليكى .. انا ارثوذكسى
طيب دلوقت .. انا كاثوليكى .. انا ارثوذكسى .. مطلوب منى اية ؟ .. خليك زى ما انت صلى من أجل وحدانية القلب وبعد كده ربنا يكمّل وحدة الكنايس . ميرسى كتير على مشاركتك الجميلة |
||||
|
|
|
12 - 05 - 2017, 07:33 AM
|
رقم المشاركة : ( 4 ) | ||||
|
..::| الاشراف العام |::..
|
رد: انا كاثوليكى .. انا ارثوذكسى
ميرسى لمروركم الغالى
 |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| أول بطريرك كاثوليكي أقيم للأقباط هو كيرلس مقار 1899 |
| اختطاف كاهن كاثوليكي في نيجيريا بعد اسبوعين فقط على اغتيال آخر |
| لو انت ارثوذكسي |
| غضب قبطى بعد وصف قس كاثوليكي للبابا شنودة بـلهرطقة |
| انا ارثوذكسى.... |
العرض العادي
