|
 |
 |
 |
|
رقم المشاركة : ( 1 )
08 - 05 - 2017, 09:01 PM
|
|||||||||||
|
|||||||||||
 .. اي حاجة بمعني اي حاجة ممكن تبقي كلاسيكية .. كتاب ، لوحة ، أغنية ، تسريحة شعر ، فيلم ، هدوم ، أسلوب تدريس ، منهج إقتصادي ، سياسي ، إجتماعي ،،، حتي الحب ! ممكن يبقي كلاسيكي .. بس يعني ايه كلاسيكي ؟؟ المبدع Italo Calvino في كتابه Why Read the Classics ( لماذا نقرأ الكلاسيكي ) بيعدد كذا نقطة عشان يشرح للناس الفرق بين الكتب القديمة و الحاجة الكلاسيكية ( اللي في الاصل قديمة بس لسه محتفظة بقوتها بالرغم من الزمن ) .... و من أهم الصفات : 1- بتعيش : فالكتاب الكلاسيكي هو كتاب مش بيخلص ، بتقراه انهاردة و ممكن تقراه بكرا و لو فضل عندك سنة او سنتين برضة ممكن تفضل تقرا فيه و متزهقش .. زي أغاني زمان الجميلة اللي لسه عايشة معانا بالرغم من أن في اغاني أحدث منها بتموت بعد كام شهر ! فكذلك الحب الكلاسيكي هو الحب المصمم للبقاء مدي الحباة مش مربوط بفترة زمنية او لسد حاجة مؤقتة .. 2- حي : الكتاب الكلاسيكي كتاب نابض بالحياة .. و انتا بتقراه شامم ريحة الجو ، سامع صوت الطيور ، شايف نور الشمس ، حاسس ان كل حواسك شغاله و بتتأثر و انتا بتقرا !! ... كذلك الحب حتي و لو حبيبك بعيد عنك أنما حاسس ان حتي وجوده في فكرك مجسدهولك كأنه معاك .. و ده بيكون لقدرة الحب ده انه يتخلل كل كيانك .. زي عطر أبدي لو اترش مره لا يمكن تأثيره يروح .. أنما بيبقي جزء أصيل من وجودك لا يمكن ينفصل منك 3- عالمي : الكتاب الكلاسيكي مش مربوط بلغة او فئة معينة انما معمول لكل الناس .. بس ازاي علاقة الحب اللي بين اي اتنين تبقي عالمية ؟! ، العالمية المقصود بيها انها اقوي من اي حاجز او قاعدة .. فمثلا رسايل حب الادباء او المفكرين تقراها باي لغة او طريقة ، مهما كان جنسك او دينك ، مهما كانت درجة إختلافك بس حتلاقيها بنفس القوة و اللهيب اللي هي في الأصل عليه .. فالحب العالمي هو حب لا يعرف حواجز تحت اي مسمي 4- متجدد : الكتاب الكلاسيكي مع انه خلاص اتكتب و مفيش فيه اي زيادات ممكن تتحط بس انتا كل مره تقراه تحس انك طلعت منه بحاجة جديدة ! نفس الحب الكلاسيكي ، فكلمة زي " بحبك " ممكن تتقال مليون مره في العلاقة ، بس في كل مرة اللي باقولها عاوز يوصلها بطريقة أجمل و اللي بيسمعها برضة بيستقبلها بطريقة أشهي .. حتي و لو مع نفس الشخص بتعملوا نفس الحركات و بيديك نفس ردة الفعل ! بس أنتا حاسس بإنبهار و سعادة .. 5- صامد : الكتاب الكلاسيكي بيبظهر و بيلمع حتي و لو لوسط ملاين الكتب المختلفة .. له رونقه المميز اللي بيعلمه و بيخليه له طعم خاص .. الحب الكلاسيكي كدة .. خارج برا نطاق الحب المعتاد او الروتيني .. حب مش عامل زي نسخ قبله او تقليد لنماذج معروفه او متعارف عليها .. حب مش مصمم للمناسبات بتاعة اعياد الحب بس او ذكري الجواز او الخطوبة .. حب مش مصمم عشان ناس تتصور و تكتب علي صورها كلام متهالك او متكرر .. حب مش مصمم عشان ياخد سكة ثابته او طريق مجبر عليه .. أنما حب مصمم لهدف واحد بس و هو الحب .! 6- أصلي : الكتاب الكلاسيكي دايما بيتقال عليه اشاعات كتير و كلام متفبرك كتير و ده بيحمس ناس كتير تشتريه ..بس الحقيقة أن مهما كانت الاشاعات و الأراء بتشيد بعظمته بس متعة الأصالة بتاعة أحلي و أجمل من انها تتوصف او تتحكي .. الحب الكلاسيكي ممكن يتقال عليه كلام جميل و ناس تبص عليه من برا تمدح فيه .. بس مهما كان مش حيكون قد روعته من جوا .. علي عكس الحب المغشوش اللي قوته و سمعته مجرد نفخ في الفاضي 7- مغذي : الكتاب الكلاسيكي بعد كل مرة تقراه تحس أن خيالك خد وجبه دسمة من الخيال و الافكار .. نفس فكرة الحب الكلاسيكي .. هو حب تحس انه بيملي جواك مشاعر و افكار و احاسيس .. تحس ان فيه طاقة ابداعية اتخلقت جواك من الحب ده .. حب دسم .! في النهاية كلنا عاوزين حب كلاسيكي .. حب مهما مر عليه زمن او وقت يفضل كانه جديد و طازة .. بس الكلاسيكية مش بتجي من فراغ .. فجورج أورويل أكيد تعب عشان يكتب 1984 .. ماركيز كرس كل طاقاته و امكانياته عشان يعمل 100 عام من العزلة .. كافكا ، دوستيوفيسكي ، نجيب محفوظ و غيرهم كانوا عايشين مع ناس كتير غيرهم بتكتب و بتألف .. بس فيه إبداع يعيش بعد ما يموت مبدعه و في إبداع بيموت و مبدعه يحضر تسجيل شهادة الوفاة ! . و بيكون كل المطلوب شوية إيمان بقيمة الحدث و الإيمان بحقه في الخلود .. فكلاسيكية حتي و لو في الحب هي في الإساس أسلوب حياة .. 
|
|
09 - 05 - 2017, 06:29 AM
|
رقم المشاركة : ( 2 ) | ||||
|
..::| الإدارة العامة |::..
|
رد: الحب الكلاسيكى ...
بس فيه إبداع يعيش بعد ما يموت مبدعه و في إبداع بيموت و مبدعه يحضر تسجيل شهادة الوفاة ! .
جميلة جدااااا يا رينا |
||||
|
|
|
09 - 05 - 2017, 10:41 AM
|
رقم المشاركة : ( 3 ) | ||||
|
† Admin Woman †
|
رد: الحب الكلاسيكى ...
و بيكون كل المطلوب شوية إيمان بقيمة الحدث و الإيمان بحقه في الخلود .. في منتهى الجمال يا قمرفكلاسيكية حتي و لو في الحب هي في الإساس أسلوب حياة .. ربنا يباركك |
||||
|
|
|
12 - 05 - 2017, 07:37 AM
|
رقم المشاركة : ( 4 ) | ||||
|
..::| الاشراف العام |::..
|
رد: الحب الكلاسيكى ...
ميرسى لمروركم الغالى
 |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| التوحد الكلاسيكي.. |
| الحب يُقدس ومن قَدس الحب . يُقدسه الحب ايضاً |
| صالونات إيطالية علي الطراز الكلاسيكي |
| الإنسان قبـل الحب شيء... وعنـد الحب كل شيء... وبعـد الحب لا شيء |
| الأبيض الكلاسيكي فى الملابس |
العرض العادي
