|
 |
 |
 |
|
رقم المشاركة : ( 1 )
08 - 05 - 2017, 08:45 PM
|
|||||||||||
|
|||||||||||
 انتي أعجبتي بولد معاكي في الكلية ، فضلتي تفكري فيه كذا يوم من بعيد لبعيد ، بس فجأة مرة واحدة لاقيتي مشاعر الإعجاب ديه بتتحول لنفور ! بدون اي مقدات , نفس الولد اللي انتي كان حلمك يبقي صاحبك بقتي لو جت سيرته تقولي عليه رخم و مش لذيذ !! أنتا كان حلمك تشتغل في شركة معينة ، بس فجأه و بدون اي مبرر بتلاقيك بتقول بين الناس أنها شغلانه مش مناسبة .. تفضل تتكلم و تقول عليها انها لو أتعرضت عليك بفلوس الدنيا برضة مش حتوافق !.. مع انك من قريب كان نفسك في الوظيفة دية بشكل فظيع ..! طب ليه ؟؟ ليه ساعات بنكون رخمين تجاه حاجات بنحبها ؟! في فيديو بعنوان Why Boys Are Mean To Girls They Like ( ليه الولاد بتبقي رخمه تجاه البنات اللي بتعجبهم ) , بيتم شرح نظرية غريبة في تعاملنا مع الحاجات او الناس اللي بنحبها بس ساعات بنحس أن صعب الوصول ليها و هي أننا نبدأ نكرهها !!! ... في الفيديو جابيبن مثل ولد في مدرسة شكله مش كويس و أمكانياته الاجتماعية ضعيفة جدا بيعجب ببنت شكلها حلو اوي و تعتبر أجمل واحدة في الدفعة .. يفضل يراقبها من بعيد و يعيش في خياله انها ممكن تتقبل حبه و ترضي تبقي معاه .. بس مع الوقت عقل الولد ده يبتدي يصدمه بالواقع و يفكره بشكله اللي مش لطيف و أمكانياته الضعيفه , فيرسخ جواه فكرة أنه أقل بكتير انه يقدر يبقي صاحب البنت ديه ! فيبتدي يشعر صاحبنا ده بألم العجز و الخوف الحتمي من الفشل .. غروره البشري يبتدي يتهز و يتكسر .. بس عشان العيل صايع و مستعد يعمل اي حاجة عشان ميعيش في ألم العجز و يفقد غروره الإنساني , يبتدي يضحك علي نفسه و يخلق أوهام .. فيألف اي مبررات ملهاش اي لزمه عشان يخلي الولد ده يكره البنت ديه , يحرف في الحقايق و يزور في الدلايل .. فلو أجتماعية مثلا يقول عليها مش كويسة اخلاقين , لو بتلبس كويس يقول عندها نقص و بتلفت الأنتباه ! اي حاجة عشان يكرها و يهد من مشاعره الحلوة ناحيتها و لو وصلت لكراهية الإنتقام !! فمش البنت ديه سببت لي ألم عجز .. طب أنا حأذيها و ححاول اشوه سمعتها !! في النهاية , في مثل شعبي مشهور بيقول ( عينهم في البيعة و يقولوا يفتح الله ) , و ده المقصود بيه الناس اللي نفسها في حاجات معينة بس بيدعوا عدم أحتياجهم .. و الحقيقة أن ساعتها بيكونوا بيوهمونا بعدم أحتياجهم نظرا لضعفهم او عجزهم .. ! فلما تبقي ( عينك في البيعة ) لازم تحترم رغبتك ديه و تبتدي تتعامل معاها بشكل ناضج , مش عيب لما تعوز حاجة و يبقي نفسك فيها .. فحتي و لو أمكانياتك مش مساعدك متنساقش ورا عقلك الصبياني و تكبت و تشوه في رغبتك ديه .. أنما قمة النضوج هو الإعتراف بالعجز و الضعف و المحاولة من علاجه .. يمكن ده اللي بيفسر ليه ساعات كتير بنحس ان في ناس بتكون معجبة بينا و فجأه شعورهم ناحيتنا يكون في الاتجاه التاني سواء بالتجنب او حتي النفور !؟! .. برضة أحنا نفسنا ازاي مشاعرنا بتتبدل من اقصي التمني لاقصي الإزدراء .. فالسبب ببساطة هو العجز الإنساني .. فالعاجز هو اللي بيكره أما القوي هو بس اللي بيقدر يحب .. 
|
|
08 - 05 - 2017, 08:50 PM
|
رقم المشاركة : ( 2 ) | ||||
|
..::| الإدارة العامة |::..
|
رد: عينهم في البيعة و يقولوا يفتح الله
فالعاجز هو اللي بيكره أما القوي هو بس اللي بيقدر يحب مشاركة رائعة يا رورو ربنا يفرح قلبك |
||||
|
|
|
09 - 05 - 2017, 10:43 AM
|
رقم المشاركة : ( 3 ) | ||||
|
† Admin Woman †
|
رد: عينهم في البيعة و يقولوا يفتح الله
فالعاجز هو اللي بيكره أما القوي هو بس اللي بيقدر يحب .. موضوع مميز ربنا يباركك |
||||
|
|
|
12 - 05 - 2017, 07:37 AM
|
رقم المشاركة : ( 4 ) | ||||
|
..::| الاشراف العام |::..
|
رد: عينهم في البيعة و يقولوا يفتح الله
ميرسى لمروركم الغالى
 |
||||
|
|
 |
|
العرض العادي
