شاركونا برأيكم .. موقف اختبرت فيه فرح ربنا وقت ألمك

[walaa farouk]

"افرحوا في كل حين واقول ايضا افرحوا"..
تفتكروا نقدر نبقى فرحانين وقت الألم؟ .. شاركونا برأيكم ولو عندك موقف اختبرت فيه فرح ربنا وقت ألمك .. شاركنا بيه، خلونا كلنا نتشجع ونشجع بعض

فى انتظار مشاركتكم .....

[jooneer]

موضوع جميل
وانا عن نفسى تجربتى الشخصية وقت وفاة والدتى
كنت متعزية جدا ولا شعرت باى حزن وده ظهر جدا فى
تصرفاتى قدام المعزين اللى جاءو لتعزيتنا

[sama smsma]

الفرح وقت الالم لما تلاقى ايد ربنا تطبطب عليك بأى طريقة
حتى لو بطريق غير مباشر من خلال الناس اللى بنحبهم وبيحبونا لما بيسندونا ويكونوا جنبنا
اد ايه ربنا حنين وبيعزى كل قلب ويفرحه مهما كان الحمل عليه تقيل

[مريم ميرو]

جميل جدا يا لولو
بس هفكر واشارك

[ميرو]

المشاركة الأصلية كتبت بواسطة sama smsma

الفرح وقت الالم لما تلاقى ايد ربنا تطبطب عليك بأى طريقة
حتى لو بطريق غير مباشر من خلال الناس اللى بنحبهم وبيحبونا لما بيسندونا ويكونوا جنبنا
اد ايه ربنا حنين وبيعزى كل قلب ويفرحه مهما كان الحمل عليه تقيل

معاكي اوي ف كلامك

[ناردين]

جميل جدا...
طبعا لكل منا موقف حدث وقت الام...
فعلا الالام تعطينا التعزيات والفرح
فعلا حدث معي هذا الموقف...صديقتي وهي اعز الأصدقاء رغم اننا صديقات وكنا متقاربات من بعض الا انها كانت تغيظني وتولمني بمواقف كتيره .وكانت تعمل كل شي لتؤلمني وكنت فعلا متالمه منها . ولكن ما كان امامي الا ان اصلي لها . وفعلا بعد صلوات كتيره عشان الرب يتدخل فعلا الرب تدخل وحصل معها شي مخيف..وعلمت بعدها ان وقت الألم لا بد ان نفرح لان الرب عنده طرق كتيره وعجيبه......شكرا عزيزتي للموضوع الجميل

[Rena Jesus]

ربنا حنين قوى
فعلا يجرح ويعصب
صدقينى مواقف كتير بيبقى الواحد تعبان ومتألم
وفجأه تلاقي ربنا بيحضنك ويطبطب عليكى
بكلمه حلوه من حد قريب
بموقف تحسى ان ربنا ساندك فيه
فى حاجه كنتى خايفه منها وشايله هامها وتلاقيها اتحلت بسرعه واتدبرت

مواقف كتييييييييييييييير قوى الواحد لو فكر يحكيها مش هيكفيها سنين

[Mary Naeem]

في كل وقت بيحصل فيه الم

ربنا بيبعت معاه التعزية

زي مثلا الشغل وقف فترة

شوية جه شغل احسن منه

[shery jesus]

الللله فكرة حلوة جدااااا ...الحلو فيها ..اننا نفكر نفسنا بعمل ربنا فى حياتنا ..وموقفى مع ربنا ان انا وفى الامتحانات الكلية حصل عندى ازمة نفسية شديدة جداااااا فوق الاحتمال وبجد مكنتش قادرة اذاكر لكن كنت بطلب معونة ربنا واقوى نفسى واذاكر ..وفى النتيجة الاقى الحاجة الغريبة ان بحنية ربنا انجح بتقدير جيد جدا

[magy]

كل يوم وكل لحظة في حياتنا ربنا دايماً بيسندنا ويعزينا
وأكيد المواقف كتير جداااا قبل الزواج وبعده ..
قبل إنجاب الأطفال وخلال فترة الحمل وايضاً اثناء تربيتهم

صدقيني يا ولاء ربنا حنين جداااا علينا كلنا
وبنلمس محبته في كل لحظة

ميرسي للموضوع الجميل ... ربنا يبارك خدمتك الجميلة