الذي وعد هو أمين

[walaa farouk]

احيانا كتير اوي لما بنطلب حاجة من ربنا ونلاقيها طولت أو الوقت عدى بينا وماحصلتش، بنبتدي نتصرف بنفسنا، واشهر مثال على القصة دي ابراهيم وسارة مراته، ولوكانوا استنوا شويه اكيد كانت فرحتهم باسحق هتبقى اكبر بكتير من وجوده بعد اسماعيل..
لكن في الحقيقة احنا كمان بنعمل كده، مش هنقدر نلوم على ابراهيم لوحده، لانه احنا كلنا فينا نفس الحته دي لانه بنفتكر طالما صليت وبإيمان يبقى اول لما افتح عيني من الصلاه او على الاقل بعديها بكام يوم بالكتير اوي هتتحقق، لكن اللي القصه دي بتعلمهولنا، ان الله ليه توقيتاته وهو بيسمع الصلاه، وعن خبرة حقيقية مفيش مرة انا صليت فيها والله ماسمعش، بس التنفيذ ده بقى بتاعه..
صلاتي النهاردة اننا نطلب من ربنا انه يدينا ايمان اكتر وبصيرة علشان نقدر نظبط نفسنا على توقيتاته وكل ما الوقت يمر ده يخلينا نثق فيه اكتر مش نقلق منه ونحاول نتصرف فيها بمزاجنا " الذي وعد هو أمين " ..

[كيلارا]

موضوع جميل جدا

ربنا يباركك

[walaa farouk]

ميرسي على مرورك الغالى

[Mary Naeem]

نطلب من ربنا انه يدينا ايمان اكتر وبصيرة علشان نقدر نظبط نفسنا على توقيتاته

في منتهى الجمال يا قمر
ربنا يباركك

[MenA M.G]

الذي وعد هو أمين

تحففففففففففففففففة

[walaa farouk]

ميرسى على مروكم الغالى