منتدى الفرح المسيحىمنتدى الفرح المسيحى
  منتدى الفرح المسيحى
التسجيل التعليمـــات التقويم مشاركات اليوم البحث

اسبوع الالام
 أسبوع الآلام 

لك القوة والمجد والبركة والعزة إلى الأبد آمين

ثوك تى تى جوم نيم بى أوؤو نيم بى إزمو نيم بى آما هى شا إينيه آمين


العودة  

إضافة رد
 
أدوات الموضوع انواع عرض الموضوع
  #1  
قديم 27 - 04 - 2017, 10:57 AM
الصورة الرمزية walaa farouk
walaa farouk walaa farouk غير متواجد حالياً
..::| الإدارة العامة |::..
 
تاريخ التسجيل: Jun 2015
الدولة: مصر
المشاركات: 376,483

كل حُضن وتشجيع وكلمة "شاطر" إتحرمت منها وأنا صغير، بقيت أجري أشحتها من كل اللي حواليا وأنا كبير.. ومابشبعش!

كل وقت إحتجت فيه أني أتسمع وأتشاف وأتحب زي مانا وفشلت، بقيت أبذل قدامه مجهود رهيب اني "أبان" وأظهر وسط الناس عشان أشبع الاحتياج ده.. أني أحس بس أني موجود.. وللأسف مابشبعش!

كل مرة غلطت وبوظت الدنيا وجريت على حد في البيت يطمّني واتصدمت برد فعله العنيف، اتبنى بسببها أسوار وأقنعة من المثالية والروحانية "المزيفة" تحميني من انتقادات الناس، وتديني الحق اني اعمل في اللي بيغلط دلوقتي نفس اللي اتعمل فيا زمان.. ودايرة من الوجع جوايا بنقلها للي حواليا من غير ما أقصد.. دايرة مابتخلصش!

كل مرة إتقارنت فيها بحد على أمل أني اتغير واتحرك، جابت معايا نتيجة عكسية بأن ثقتي في نفسي اتهزت وبقيت عايش حالة دائمة من المنافسة "الوهمية" مع ناس ماليش علاقة بيهم، وبقى هدفي اني اكون أفضل من اللي حواليا، مش أني أعيش زي ما أنا.. واديني عايش تايه في النُص!

كل مرة اتقالي فيها "يا كذاب" صدقتها لأنها من الكُبار.. والكُبار مابيغلطوش، ومع الوقت اقتنعت اني أنا "مصدر للشر" مش طفل ملقاش الأمان لما بيحكي فا استخدم الحيلة الدفاعية دي "غصب عنه" عشان يقلل ألم التأنيب والتعنيف المستمر.. ولسا بترن في وداني لحد دلوقتي مش عارف أرميها!

كل مرة سمعت صوت زعيق وخناق فا جريت استخبيت منه في جنب لوحدي.. وفي حاجة جوايا في روحي بتتكسر.. وبسببها دلوقتي مابقتش قادر أصلب طولي وأصُد قدام مفرمة الحياة..

وكل مرة اتحطلي شروط عشان اتحب وأتقبل ويرضوا عليا، سواء مستوى دراسي.. أو اخلاق معينة.. أو روحانية زيادة.. أو تنفيذ أوامر من غير نقاش.. خلقت فيا المبدأ ده .. "أنا ماينفعش تحب ببلاش.. لازم أدفع تمن.. "، وبرغم كل الكلام والوعظ اللي اتغرقت فيه سنين.. لسا الجملة دي بتطاردني حتى مع ربنا.. "مش هايحبني ببلاش.. لازم ادفعله اي حاجة تحلل الحُب ده.. " ولسا بعافر .. ولسا بيعافر معايا عشان يقنعني اني غلطان!

والحكاوي مابتخلصش.. والاكتشافات فيا مابتنتهيش..

وهافضل أعيش افهمني، واتفاجئ بكم الخراب واللخبطة جوايا.. وساعتها ملاقيش غير حُضنه اهرب فيه من كل الوجع ده..
واسمع منه الكلمة اللي بتريحني وتشفي روحي كل مرة.. "كُلّك جميل يا حبيبي، ليس فيك عيب.. "

فا أهدا.. وأطمن.. وأرجع "أحبني" من تاني..
وأسمع صوته يقولي "قوم.. روح حِب اخواتك وإستقبل حُب منهم.. ".
فا أخرج من محضره مقرر أحب اللي حواليا، وبدل ما أجري من الحُب البشري بسبب خبرتي السيئة معاه، أرجع أقبله وأشفق على محدوديته وأختار اندمج فيه -لأني بشر- فا أتحب من شخص داق حُب الله قبلي وشبع بيه.. أتحب زي ما أنا.. وأختار أحب اللي قدامي برغم ضعفه ومحدوديته.. ومع الوقت وأنا في العلاقة الصحية دي، تبتدي تُقع من ذهني الرسايل السلبية المترسبة من طفولتي.. زي أني مثلاً "ماستاهلش اتحب.. أو اني لو اتشفت زي ما أنا اللي قدامي هايكرهني.. أو اني السبب في كل حاجة غلط حصلتلي في حياتي .. "

وأرجع أقبل حُضن وتشجيع وسندة بدل اللي افتقدتهم وأنا طفل.. ويرجع الطفل اللي جوايا يعيش تاني مُنطلق زي ما كان بيحلم طول عُمره قبل ما يستخبى في سجن "الخوف" جوايا.. يرجع يعيش بدل ما كان مَطفي كل ده.. وأرجع أحس تاني أني محبوب زي ما أنا.. وأني أستاهل أعيش.. وأستاهل أفرح .. من غير ما أدفع تمن..
وهي دي المُعجزة!
رد مع اقتباس
  #2  
قديم 27 - 04 - 2017, 12:38 PM
الصورة الرمزية Mary Naeem
Mary Naeem Mary Naeem غير متواجد حالياً
† Admin Woman †
 
تاريخ التسجيل: May 2012
الدولة: Egypt
المشاركات: 1,314,923

وأرجع أحس تاني أني محبوب زي ما أنا.. وأني أستاهل أعيش.. وأستاهل أفرح .. من غير ما أدفع تمن..
وهي دي المُعجزة!
رووووووووووعة حببتي
ربنا يفرح قلبك
رد مع اقتباس
  #3  
قديم 27 - 04 - 2017, 12:58 PM
الصورة الرمزية MenA M.G
MenA M.G MenA M.G غير متواجد حالياً
..::| VIP |::..
 
تاريخ التسجيل: Aug 2016
الدولة: مصر
المشاركات: 109,860

استاهل أفرح وأعيش من غير ثمن

رااااااائع
رد مع اقتباس
  #4  
قديم 27 - 04 - 2017, 04:04 PM
الصورة الرمزية walaa farouk
walaa farouk walaa farouk غير متواجد حالياً
..::| الإدارة العامة |::..
 
تاريخ التسجيل: Jun 2015
الدولة: مصر
المشاركات: 376,483

ميرسى كتير على مروركم الغالى استاهل أفرح وأعيش من غير ثمن
رد مع اقتباس
إضافة رد


الانتقال السريع

قد تكون مهتم بالمواضيع التالية ايضاً
الموضوع كاتب الموضوع المنتدى مشاركات آخر مشاركة
اسندني حتى لو مكنتش استاهل walaa farouk موسوعة توبيكات مميزة 0 18 - 05 - 2023 04:42 AM
انا ما كنتش استاهل walaa farouk موسوعة توبيكات مميزة 2 07 - 06 - 2016 08:45 PM
حبك ده غالي عليّ أنا مكنتش استاهل abraam صورة وتعليق 2 11 - 09 - 2013 11:56 AM
ترنيمه بقى انا استاهل ctv محتاجه لايدك ياربى فيديو كليب القنوات المسيحية 4 14 - 09 - 2012 05:22 PM
ده ظلم انا الي استاهل الببسي مش الفستان البينك ميرو النكت والفرفشة 0 28 - 08 - 2012 06:10 PM


الساعة الآن 05:57 AM


Powered by vBulletin® Copyright ©2000 - 2025