|
 |
 |
 |
|
رقم المشاركة : ( 1 )
24 - 04 - 2017, 07:49 AM
|
|||||||||||
|
|||||||||||
|
وأنا صغير قالولي.. "بص ياحبيبي، الشخص اللي بيعيش مع ربنا ده مش بيبقي محتاج أي حد تاني.. ولا محتاج حُب من بشر، ولا تفرق معاه كلمة حلوة من انسان.. ولا تأثر فيه أي حاجة علي الكوكب ده.. زي ماتقول كدة بيعيش مكتفي بالله تماماً". وعشان كنت صغير، وكلامهم شكله روحاني.. مشيت وراهم (للأسف). وصدقت الفكر ده معظم حياتي، وعشت مقتنع باني لما اشبع بربنا مش هاحتاج انسان، ولا مجتمع او علاقات بشرية.. كل دي حاجات تافهة كدة فوق البيعة ممكن استغني عنها. وقربت من ربنا واستنيت ابقي مكتفي بيه بس، لكن مع الوقت النظرية دي أثبتت فشلها بكل المقاييس (علي الأقل في حياتي).. للاسف مابقتش Superman زي ما قالولي. واتفاجئت بعد سنين اني لسا انسان طبيعي جداً (حتي لما قربت من ربنا).. زيي زي الباقيين.. ليا ضعفات واحتياجات واهداف بشرية زي باقي الناس.. واكتشفت أن "الأفلاطونية" اللي كنت عايش فيها دي كانت "مخدرات".. عيشتني في خيال كدة كنت فيه superman، مش بحتاج لحد، ومش بحس بحاجة.. مخدرات بالظبط!! لكن مع كام صدمة علي كام فشل.. نزلت تاني أعيش في الكوكب بتاعنا.. وأتصدمت بالواقع.. اللي هو أنا محتاج ناس، محتاج حُب وتقدير، محتاج أسمع كلمة حلوة من اللي حواليا، محتاج هدف أعيش عشانه، وبنت أحبها وأكمل معاها حياتي.. طيب لو ده مش موجود هايحصل ايه؟ هايحصل خلل ولخبطة جوايا. يعني ايه؟ الله مش كفاية عليا؟ لازم ناس يعني؟ لازم أعترف بإحتياجي ليهم، وتأثيرهم عليا؟ في الحقيقة لما جيت أشوف الله وهو بيتكلم عن أبويا آدم.. لقيته بنفسه قال "ليس جيداً أن يكون آدم وحده". طب ايه يارب مش أنت اللي خالقه؟ خالقه محتاج حد تاني غيرك؟ مش أنت معاه؟ مش ده كفاية؟ مش كل يوم بتتمشوا مع بعض في الجنة والدنيا زي الفل؟ برضو هاتقول آدم لوحده؟ برضو هاتجيبله حد تاني يعينه ويسنده؟ الإجابة بكل بساطة أيوة. آدم محتاج حد تاني غير الله.. ادم محتاج انسان يكون مُعين (يسند)، ويكون نظيره (زيه بالظبط). الله خالقه كدة وعارف احتياجه ده.. و ده مايلغيش علاقته بالله، بس يوضح أنها مش العلاقة الوحيدة. *** نصيحة أخيرة.. لو روحانيتك أوهمتك إن احتياجاتك النفسية الطبيعية دي مش مهمة، وأنك بقيت superman.. أرجوك راجع نفسك. وإفهم ان الاجتماعات والكلام الروحي ده مش هايغنيك عن الاحتياجات والاشخاص اللي في حياتك. هايشبّع جزء روحي في كيانك ايوة، بس مش هايسد الباقي. ممكن يسكت احتياجك شوية، لكن مش هايلغيه. وصدقني مهما قربت من ربنا برضو هاتفضل "آنية خزف".. وهاتفضل محتاج ناس. وهاتفضل تشبع منهم، وتجوع ليهم. ببساطة.. هاتفضل انسان. *** #ليس_جيداً_أن_يكون_آدم_وحده 
|
|
24 - 04 - 2017, 11:18 AM
|
رقم المشاركة : ( 2 ) | ||||
|
† Admin Woman †
|
رد: ليس جيداً أن يكون آدم وحده
#ليس_جيداً_أن_يكون_آدم_وحده صح يا لولو |
||||
|
|
|
24 - 04 - 2017, 09:27 PM
|
رقم المشاركة : ( 3 ) | ||||
|
..::| الإدارة العامة |::..
|
رد: ليس جيداً أن يكون آدم وحده
ميرسى كتير على مرورك الغالى  |
||||
|
|
|
25 - 04 - 2017, 10:24 PM
|
رقم المشاركة : ( 5 ) | ||||
|
..::| الإدارة العامة |::..
|
رد: ليس جيداً أن يكون آدم وحده
ميرسى كتير على مرورك الغالى |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| وحده القلب يُبصر جيداً |
| (تك 2: 18) ليس جيدا أن يكون آدم وحده |
| ليس جيدا أن يكون آدم وحده |
| ليس الموت وحده هو الذى يكون رغم أنفك؛ |
| لا يحسن أن يكون آدم وحده |
العرض العادي
