" وإنما نهاية كل شئ قد اقتربت ، فتعقلوا واصحوا للصلوات." ( ١ بطرس ٤: ٧)
👈الملاك : أفشتك .. بتعمل ايه ؟ 👈الشخص: ايه ؟ مين ؟ في ايه ؟ 👈الملاك: بتعمل ايه ؟ بتلعب بالموبايل في الكنيسه ؟ و كمان وقت لحن بيك اثرونس ( كرسيك يا الله ) ؟ 👈 الشخص: يعني هاعمل أيه يعني وقت الألحان الطويلة دي بتاعة أسبوع الآلآم ؟ ده أقل لحن بيأخذ من ربع لنص ساعه علي الأقل و الكنيسة مقضياها الحان ... ده فصلان بصراحه و بصراحة بأخدها من أصرها و بلعب في الموبايل و بشوف الواتس اب أو بلعب كاندي كراش .. يعني هاعمل ايه ؟ هاقف مع الشمامسه أقول ألحان و لا أخد اعترافات مع الأباء ؟؟؟ 👈الملاك: كاندي كراش ؟؟ طب مش عاوز حد يسلفك نقط ؟ 👈الشخص : اه ياريت ، عندك ؟ 👈الملاك : شوف يا ابني و افتح ودانك كويس و خليني اقولك علي شوية أسرار 👈الشخص: أسرار ؟ 👈الملاك : طبعاً اسرار ... أسبوع الآلآم ده ذي ما الكنيسة علمتكم هو أقدس أسبوع في السنه و لو مستفدتش منه حاجه و أخذت منه الكتير مش هاتخد حاجه في وقت تاني . 👈الشخص : بردوا مقولتليش أعمل ايه ؟ انا من النوع اللي بيزهق بسرعه . 👈الملاك : ١- وسط الألحان الطويلة دي اقرأ في كتاب تأملات حلو يخليك تتفاعل مع الموقف، كتاب زي تحت أقدام الصليب لأبونا بيشوي كامل مثلاً ٢- خد معاك نُوته صغيره و اكتب إحساساتك و تأملاتك و قراراتك و اكتب الرسايل اللي ربنا بيبعتها لك في كل يوم ٣- لما يكون فيه لحن حاول تفهم معني اللحن بالعربي و تخيل أن المسيح واقف قدامك و انت معاه و هو عمال يكلمك و يشتكي لك بالحن الحزيني .. و يقولك بص ( رفضوني أنا الحبيب مثل ميت مرذول، وجعلوا مساميراً في جسدي، فلا تهملني ياربي وإلهي.) و موقف تاني يقولك شفت يهوذا عمل معايا ايه ( كلامه مثل الدهن و هو نصال ) شوفت انا رب المجد اتهنت إزاي؟ فأنت تقوم بسرعه تفتكر ان انت كمان عندك خطيه و هي اللي عملت في المسيح كده ،فتقوم تكسف كده شويه و تقولوا أبدا يارب ده انت لك كل المجد و العظمه و تقوم تقف علي رجليك و عينك للمسيح و تصرخ بأعلي صوتك و تقولوا ( كرسيك يا الله إلي دهر الدهور قضيب الاستقامة ) يقولك شوفت اتفقوا علي إزاي علشان يأخذوا نفسي تقوم ترد عليه و تقولوا ( لك القوة والمجد والبركة والعزة إلى الأبد. آمين. عمانوئيل إلهنا و ملكنا ) ( ثوك تي تي جوم) أسبوع الآلام هو حديث شخصي بينك و بين رب المجد يسوع .. انت تمشي معاه و تلزق فيه في كل الأحداث و هو هايخليك صديقه الشخصي و هايحكي معاك في كل تفاصيل حياته... اعتبر نفسك تلميذ من تلاميذه و اوعي تسيبوا لحظه لا يختفي منك و تعد تدور عليه زي الناس اللي كانوا بيدوروا عليه و مكنوش بيجدوا. 👈الشخص: سيدي أتفضل ؟ 👈الملاك: ايه ده ؟ 👈الشخص : ده الموبايل بتاعي ، خوده الأسبوع ده و رجعهولي بعد أسبوع الآلام .. عاوز اتمتع بربنا عاوز ادخل للعمق .. عاوز اجرب السنه دي حاجه جديده و أكون الصديق الشخصي المحبوب جدا لربنا و كاتم أسراره ... كفايا ضيعت وقت كبير... أشكرك يا صديقي بس أنا متعرفتش عليك .. أنت مين ؟؟ استني استني .. انت روحت فين ؟؟ ياربي ده اختفي أشكرك يارب علي الرساله دي
05 - 04 - 2017, 06:00 PM
رد: رسالة فى اسبوع الالام
العرض العادي
