مشكلتك كبيرة .. صح؟
وفاكر انك اقل من انك تستحملها ..
وزهقت من طول المدة ..
وتعبت من كتر التجارب وتقلها ..
تعالى اقول لك على حاجة تعملها ..
جرب تمسك صورة ليك وانت صغير كدة ..
وبص على اللبس اللى فيها ..
هتلاقيه مظبوط عليك ..
ولا واسع ولا ضيق ..
رغم انك وقتها ..
ماكانش ليك خبرة انك تختار مقاسك ..
بس كل لبسك كان بييجى مقاسك ..
ربنا برضه بيعمل معاك كدة ..
بيبعت لك المشاكل ..
اللى تليق عليك ..
عشان هو عارف مقاسك ..
ولا هيبعت لك مشاكل اكبر منك ..
فيقضى عليك ..
ولا هيبعت لك مشاكل اقل منك ..
فتتكبر عليها ..
كل باب مقفول ..
وراه حكاية ..
ممكن تكون اكبر من حكايتك ..
وممكن تكون حكايتك انت اكبر ..
بس الأكيد ان حكايتك ..
وحكايات غيرك ..
هى المقاس المظبوط سواء ليك او لغيرك ..
وهى اللى فيها نجاحك .. واكيد فيها خيرك ..
