|
 |
 |
 |
|
رقم المشاركة : ( 1 )
24 - 03 - 2017, 09:51 AM
|
|||||||||||
|
|||||||||||
|
خلونا نعرف حاجة مهمة اوى فى الحياة عن جزئتين متعلقين بالسهل و الصعب يعنى مثال : فيه حاجات بتيجى بالسهل و بتروح بصعوبة وحاجات بتيجى بصعوبة و بتروح بالساهل و حاجات تانية بتيجى بالساهل و تروح بالساهل وحاجات بتيجى بصعوبة و بتروح بصعوبة يعنى ايه اللخبطة دى؟!! 1- يعنى فى العلاقات الانسانية بما فيها الحب و الارتباط خد بالك من الحاجات بتبقى صعبة فى تحقيقها و بتفقد بسهولة لان اكتر الحاجات الى بتيجى بصعوبة وفقدانها سهل فا بتكون امور كبيرة اوى و خطيرة.. طيب زى ايه؟؟ زى الثقة... الثقة بتاخد وقت كبير لحد ما تتبنى لكن يلزمها موقف واحد يمكن يكون كبير و الثقة بتنهار واعادة بناء الثقة بعد كده بييكون صعب اووووى 2- حاجة بتيجى بالساهل و بتروح بالساهل.. الحاجات دى فى المعتاد حاجات مش قيمة للدرجة لان تكوينها هش و اعادة بناءها بيكون مقدور عليه.. طيب زى ايه؟ الفلوس الى بتيجى بشكل سهل و بنصرفها على اى حاجة مش مهمة..مينفعش نهد علاقتنا مع حد بنحبة او مراتك مثلا لانها صرفت مبلغ كبير بعدم حكمة على حاجة مش مهمة طالما المبلغ ده معملش ازمة ضخمة فى البيت فا تقدر تعدى الموقف مع توجيه محبة ان الموقف مينفعش يعاد تانى.. طبعا انا هنا مش بتكلم عن فلوس سهلة لكن بتكلم على موقف سهل.. الفلوس الى بتيجى بالسهل فى المعتاد فقدانها سهل لان مفيش فكر لصاحبها ان الفلوس دى جايه من تعب و فلوس صعبة فا فقدانها سهل..انما لو فلوس من مرتبك راحت و انت قادر تعوضها فا متخسرش شريك حياتك بسبب حاجة قابلة للتعويض ركز فى الجزء ده اوى هااا 3- حاجة بتيجى بالساهل و بتروح بصعوبة .. زى ايه بقى؟ يعنى حاجة بتحصل بسهولة وعلشان تروح فا بتاخد وقت.... المرض.. الاهانات سهل اوى متاخدش بالك من اكلك و شربك و تاخد شاور مثلا و تنزل فى البرد و تتعرض لمرض... شاور بسيط ممكن يعملك التهاب رئوي.. او الاهانة مثلا.. ممكن تهين شريك حياتك بكلمة او برد فعل صعب او لطشة قلم مكلفتكش اى مجهود و بمنتهى السهولة منك كسرت خاطر الطرف التانى .. حاجة مكانتش صعبة عليك تعملها لكن عملتها بسهولة و تأثيرها بيروح بصعوبة..خد بالك من البند ده لانه مهم اوى . فى الوقت الى انت او انتى مفكرة فيه ان سهل اوى انكم تعملوا حاجة زى كدة.. بيكون صعب اوى عن الطرف التانى انه ينسى او يسامح 4 - حاجة بتيجى بصعوبة و بتروح بصعوبة...دى مش فى موضعنا فا هنعديها لانه بره سياقنا طيب ناخد بالنا من ايه من الحاجات دى؟ ناخد بالنا من الفروقات بين الصعب عندك و الصعب عند شريك حياتك او السهل عنده ممكن تكون راجل و بالنسبالك مفيش مشكلة انك تعمل حاجة هايفة اوى تفقد بيها الطرف الاخر وانت مش واخد بالك. او انتى تفكرى ان العناد بتاعك و مجرد انك تقولى كل شوية ( لأ لأ ) لشريك حياتك فا ده بالنسباله سهل؟؟ لا خالص كتر رفضك و عدم تفاهمك معاه هيضعية منك فعليا او معنويا لو انتو متجوزين طيب فى الحياة اليومية العادية و ده اهم ما فى البوست خدوا بالكم من الفقرا يا جماعة.ناس كتير عندها فلوس بتحصل عليها بسهولة اوى و بتصرفها بسهولة اكبر.. وناس غلابة جداا بيحصلوا على فلوسهم بالعاففية لكن مش قادرين يصرفوها بسهولة لانهم محتاجين. وده البند الى متكلمناش فيه بتاع الحاجات الى بتيجى بصعوبة و بتروح بصعوبة... كل الناس الى بتحصل على حاجات بصعوبة دى محتاجين نساعدها اوى الفارق بينك و بينه هو المجهود و الكم... كم المجهود الى بتحصل عليه علشان تجيب فلوس مثلا.. و كم المعاناه الى بيعانونها انهم يصرفوا الفلوس دى صعب اوى محتاج تفرق فى حياتك بين ما هو السهل و ما هو الصعب علشان لو انت شايف كل الامور سهلة فا هتفقد امور كتيير و لو شايف كل الامور صعبة فا مش هتستمتع بحاجات كتير خد بالك من شريك حياتك و من بناءك لعلاقاتك خصوصا علاقة ارتباطك 
|
العرض الشجري