رسالة صغيرة للبنات :-

Rena Jesus · رقم المشاركة : ( 1 ) 22 - 03 - 2017, 05:08 PM

رسالة صغيرة للبنات :-

1. فطرتك انك رقيقه وضعيفة من جوه شيئ مش وحش لازم تفتخري بده لان ضعفك سر جمالك .

2. بحثك للإستقواء بحد سواء زوج او أهل مش غلط دي فطرة فيكي اوعي تاخديها ان ده ضعف وعيب فيكي. اطلااااااااقا.

3. اي انسان عنده جهازين تفكير. جهاز ذو كفاءة عاليه ( العقل )
وجهاز ذو كفاءة ضعيفه ( القلب ) .
ولكي حرية اختيار استخدام الجهاز اللي يريحك.

4. اظن ان 99 % من مشاكلك هاتختلف تماما لو ماوقعتيش في اكبر خطأ كل البنات بتقع فيه. انك تستقوي بكل الناس وتنسي الاستقواء بأهم اتنين. ( ربنا ثم نفسك ).
الاستقواء بربنا رقم واحد. لانه بيحبك اكتر من نفسك.
وبيأمرك باللي في مصلحتك حتى لو انتي مش شايفه كده. الاستقواء به يكون ازاي ؟
بإنك تكوني واثقه انك لما تفكري بعقلك صح. وتقولي يارب.
وتتحركي في الاتجاة الصحيح. تكوني واثقه من ان ربنا هايقف معاكي ويساعدك.

5. نيجي بقي لأهم نقطة.
※ من حقك على زوجك انك تستقوي بيه. لكن تفتكري انتي متجوزة نبي؟ اكيد لا.
يبقي مين قالك انه هايحتويكي 100 %؟
. ممكن يكون نذل ومايعرفش يحتويكي نهائي. او 20 او 50 او 80 %
. يبقي جوزك ماينفعش نهااااااائي انك تعتمدي على قوته اعتماد كامل وكلي.

※ اهلك اكيد بيحبوكي وبيتمنو لكي كل خير. لكن اهلك لا هايعيشو لك طول عمرك. ولا هايعيشو معاكي طول حياتك.
وحتى لو حصل. ف مش هايقدرو يبعدو الالم النفسي عنك. لان مالهمش القدرة على ده.

يبقي نطلع بنتيجة ايه ؟
⬅ انك لازم تستقوي ( بنفسك. بذاتك. بيكي ). غذي شجرة القوة الصغيره اللي جواكي. خليها تكبر .
و اعرفي ان مافيش مخلوق على وجه الارض هايقدر يشيل الحزن من جواكي. غيرك انتي.
حتي لو حد شال الحزن من قلبك. فده هايبقي لفترة محدوده. والظروف بتتغير. والناس بتتغير.
لكن اللي مش ممكن يتغير. احساسك بألمك. عشان كده لااااازم وحتما ولابد تستقوي
( بذاتك ).

ازاي استقوي بنفسي ؟
⬅ حطي الفكرة في دماغك وابدأ اتعاملي على هذا الاساس.
خلي نفسك تصعب عليكي. وقولي لنفسك انتي صعبانه عليا وعشان كده مش هاسمح انك تتكسري تاني.
حبي نفسك. وازرعي الرأفة بالنفس جواكي.
خدي الموضوع على كرامتك.
وخلي كرامتك توجعك لما تحسي انك بتشحتي القوة من الناس.
( حولي الحزن لغضب . والغضب لقوة ).
⬅ طبعا ده مايمنعش ان فيه بنات مفترية . بس انا رأيي ان حتى البنت المفترية.
بتكون من جواها ضعيفه برده.