| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
10 - 03 - 2017, 12:03 PM
|
||||
|
||||
|
رد فعل!! عارفين كام حد حياتة اتدمرت بسبب رد فعل شخص ما؟ عارفين كام حد احبط و اكتئب بسبب رد فعل شخص ما ؟؟؟؟ عارفين قد ايه ناس توقعت رد فعل معين من ناس معينة فى وقت معين و ده محصلش و ده تعبهم نفسيا جدا؟!! النهاردة هتكلم عن رد الفعل يعنى ايه رد فعل؟؟ هو استجابة شخصية مننا مقابل حد وقع بالفعل من شخص او من حدث او من موقف.. يعنى من الاخر كده هو استجابة معينة ممثلة فى فعل معين انا بعمله بناء على فعل حصل . الجزء المدمر هنا فى موضوع رد الفعل هسمية ( الاستجابة الغير مناسبة للفعل) يعنى ايه الكلام المعقد ده.؟؟ يعنى مثلا انت مرتبط او مرتبطة بحد و الحد ده عمل حاجة حلوة او لبس كويس فى مناسبة معينة.. او عمل مهمة كبيرة او اتكرم فى مجال شغلة.. و رد فعلك نتيجة المشاهد و الاحداث دى هو ( لا شي) او عادى يعنى قلت كلمتين مجاملة وخلاص!! ده رد فعل مدمر - انت اب او ام ابنك او بنتك نجح او جاب درجات حلوة او فاز بمسابقة معين و جرى عليك يقولك بكل فرح انه نجح.. فا رد فعلك مثلا كان : ااوك يا حبيبى برافو. وبتقولو الجملة دى وانتى مشغول او بتبص فى مكان تانى... ده رد فعل مدمر ردود الافعال الصحيحة بتحتاج لشخصية سوية.. ردود الافعال الصحيحة تحتاج لذكاء اجتماعى عارفين ليه فيه خطوبات بتبوظ بسهولة ؟؟ بسبب ردود افعال من طرف لطرف ومكانتش ردود افعال ايجابية الازواج و الزوجات الى حياتهم فيها مشاكل كبيرة اوى .. اغلب المشاكل دى بسبب ردود الافعال .. الزعيق .. الخناق. ... الاهمال... الترك... الذكاء الاجتماعى هنا بيلعب دور كبير اوى فى ردود الافعال الصح متخيل انك بتحب بنت و لقيتها نازلة الكنيسة مثلا و لابسة لبس شيك.. وحضرتك قلت جواك ( واااو ) و بس؟!! هى بقى منتظرة تقول كلمة.. ما تقول!!!! التعبير عن مشاعرك الداخلية جزء لا يتجزء من النضوج العاطفى كمية المناسبات الى فاتت على كتييير من الولاد بدون ما يبدوا اى رد فعل .. كانت محبطة اووى للطرف التانى المنتظر كلمة او اشارة او تعبير عن المناسبة دى لكن طرف منهم مهتمش يدى رد فعل اصلا مثلا : البنت او الزوجة الى شايفة خطيبها او جوزها تعبان او متمرمط فى الشغل او فى مجهود معين بيعملة لحاجة معينة و مفيش ولا حرف ولا كلمة تشجيع بتتقال ليه فى حين انه منتظر كلمة او حرف او حتى جملة ( يا حبيبى ربنا يعينك انا عارفة انك تعبان) اهى الجملة دى لوحدها هتشيل من جواه تعب كبييييير اوى مع انك مقدمتلهوش اى مساعدة فعلية مثلا!! رد الفعل.. من اصعب الامور الى محتاجة تركيز خصوصا فى فترات التعارف و الارتباط و ما بعد الزواج... لو هتسيب مناسبات و مواقف كتير تعدى منك بدون رد فعل او برد فعل سلبى فا انت او انتى محتاجة تتوقعى ببساطة ان هيكون قدامك تحديات كتير اوى ومشاكل هتقابلبها فى حياتك بسبب تجاهل التعبير عن حاجة معينة فى وقت معين لو سألنا بنات كتير اووى عن الموضوع ده . هتلاقى بنات كتير بتصرخ و تقول : دا انا لبست اشيك فستان و نزلت بيه فرح و خطيبى كان معايا ولا فتح بقه قال كلمة فى حين صحابى شافونى اتجنوو.!! اه فعلا بيحصل وده بيكون محبط اوى رد الفعل محتاج نضوح عاطفى.. محتاح ذكاء اجتماعى... محتاج لباقة.. محتاج حس داخلى عميق للطرف التانى سواء كان خطيبتك او مراتك او جوزك او اولادك حتى.. صدقونى بتفرق كتيييير 
|
|
#2
10 - 03 - 2017, 01:59 PM
|
||||
|
||||
|
مشاركة جميلة جدا ربنا يبارك حياتك
|
|
#3
10 - 03 - 2017, 02:00 PM
|
||||
|
||||
|
روووووووووووووعه يا رينا
|
|
#4
13 - 03 - 2017, 12:19 PM
|
||||
|
||||
|
ميرسى لمروركم الغالى
|
|
#5
14 - 03 - 2017, 07:24 PM
|
||||
|
||||
|
ميرسى على مشاركتك الجميلة رينا
|
|
#6
16 - 03 - 2017, 11:53 AM
|
||||
|
||||
|
ميرسى لمرورك الغالى
|
|
#7
20 - 04 - 2017, 06:39 PM
|
||||
|
||||
|
موضوعك مميز .. طرح رائع
ربنا يبارك خدمتك
|
|
#8
30 - 04 - 2017, 11:47 AM
|
||||
|
||||
|
ميرسى لمرورك الغالى
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| أحمر شفاه سائل بتأثير قوة أحمر الشفاه العادي Estée Lauder | Mary Naeem | الجمال والمكياج | 0 | 21 - 12 - 2015 03:49 PM |
| أحمر شفاه سائل بتأثير قوة أحمر الشفاه العادي من Estée Lauder | Mary Naeem | الجمال والمكياج | 0 | 17 - 11 - 2015 05:09 PM |
| ميمر | Mary Naeem | صورة وأية من الكتاب المقدس | 0 | 23 - 02 - 2015 07:17 PM |
| جيشنا خط أحمر | Mary Naeem | قسم الأخبار العالمية والمحلية | 0 | 31 - 10 - 2014 12:56 PM |
| ميمر على الصلبوت | بنت معلم الاجيال | صور السيد المسيح والصليب | 0 | 26 - 09 - 2013 02:44 PM |
العرض العادي
