ايه حكاية القربانة دى اللى فى دير العدرا ببيار؟؟!
مرت كنيسة العذراء مريم الأثرية بمراحل تاريخية متعددة.. ويشير الأنبا بولا – أسقف طنطا وتوابعها، إلى أن الكنيسة مرت بثلاث مراحل هى: المرحلة الأولى حيث كانت المسيحية هى الديانة الغالبة فى مصر، مما أدى إلى إنتشار الأديرة والكنائس فى كل ربوعها، وذلك كان فى القرن الثانى والثالث الميلادى. فكانت إبيار مقر الأسقف وكان يوجد بها ثماني كنائس.
أما المرحلة الثانية فكانت بعد دخول الإسلام مصر حيث تقلص عدد الكنائس ولم يتبقى فى المنطقة سوى كنيسة العذراء إبيار، ودير مارمينا (الحبيس).
وجاءت المرحلة الثالثة منذ سنوات محدودة – منذ سيامة الأب القس بولا صليب – الذى اهتم جدا بالعمل الروحى فى المنطقة ونشر المذابح المتنقلة لخدمة القرويين فى المنطقة، بالإضافة إلى تعاونه مع وزارة الأثار فى تجديد كنيسة السيدة العذراء بصورة لم تشهدها من قبل. ومن محبته وقوة إيمانه وعظمة خدمته للغرباء والفقراء وكل من حوله، تحولت الكنيسة إلى مزار يحضر إليه الكثيرون من كل القطر المصرى..
وحكايه هذه القربانه هى:
كان فى يوم راجل عايش فى الاسكندرية وكان عنده في يوم شغل فى منطقة ابيار بطنطا المهم الراجل ده بعد ما خلص شغله وكان تعبان جدا جدا فقال أنا هروح ارتاح فى دير العذراء شوية لحد الصبح واول ما يطلع النهار هركب واروح بلدى إسكندرية تانى واول لما دخل الدير وكانت كل الناس مشيت من الدير وماكنش فى حد خالص ولسة الراجل هيبتدى يقعد ويريح وينام لقى حاجة غرررررريبة جدا لقى أن الكنيسة نورت نوررررر جامد جدا جدا وسمع صوت تسبحة(ترتيل بيقعد طول الليل وتسبيح لربنا ) فالكنيسة بتبتدى بصوت جميييل اوى بس هو كان تعبان جدا من الشغل ومش قادر فراح دخل جوة الكنيسة وقال للاباء العاملين التسبحة جوا الكنيسة دول لو سمحتوا وطوا صوتكم شوية عشان انا تعبان وعايز انام شوية عشان مسافر الصبح. راح الاباء ردوا عليه وقالولوا حاضر احنا اسفين ..... حبة حبة مع التسبحة بدأت تعلي تانى راح الراجل ده وهو مش عارف مين دول ولا حتى جم امتى ولا يعرف عنهم اى حاجة خالص راح داخلهم تانى وقالقهم لو سمحتوا وطوا صوتكم شوية لتانى مرة راح الاباء دول رادوا عليه،حاضر احنا اسفين راح الراجل طلع تاانى عشان ينام حبة حبة الصوت بدا يعلى تالت دخل قالهم نفس الكلام وهما ردوا عليه نفس الرد فضلوا كدة مرة ورا مرة ورا مرة لحد مابداوا يعملوا قداس... المهم الراجل دة لما لقى أن مفيش فائدة دخلهم اول لما القداس خلص عشان ياخد بركة البركة دى هى : (حتة من القربانة الفى ايد ابونا ) ويرجع لبلده وبعد ماخلصوا حصل حاجة غريبة تانية بردو أنه ملاقاش الاباء دول بعديها فا استغرب جدا وكان فى دخلة الفراش بتاع الكنيسة بيفتح الكنيسة على الساعة ٥ كدة عشان يبتدى القداس الاول الساعة ٦ فالراجل دة قال للفراش أنا هروح اركب بقى عشان اروح إسكندرية راح الفراش قاله تركب اه بس دلوقتى الساعة لسة ٥ ومش هتلاقى اى مواصلات دلوقتى الراجل راح استغرب جدا وقال للفراش ازاى الساعة دلوقتى ٥ والقداس لسة خالص ده انا ماعرفتش انام خاااااالص بسبب الاباء الكانوا بيعملوا تسبحة وقداس جوا دول الفراش راح باصص للراجل كدة وهو مستغرب جدا وقاله آباء اه وتسبحة اه وقداس اه قاله انا لسة فاتح الكنيسة قدامك اهوه ولسة مادخلش ولا بنى آدم ولا اتعمل فيها ولا قداس لسة اهوه راح قالوا ازاى يا عم ده الاباء عملوا تسبحة وبعديها قداس دول عطونى بركة كمان من القربانة قالوا طب تعالى نشوفهم كدة جوا ودخلوا هما الاتنين عشان يشوفوا بصوا مالقوش حد خالص جوا طلع الكانوا جوا دول العملوا القداس والتسبحة دول هما الاباء السواح (الاباء دول هما آباء عايشين متوحدين فالصحراء وبيطلبوا من ربنا فاى وقت يا رب احنا عاوزين نصلى فالكنيسة الفلانية يروح ربنا يبعتهم فيها فساعتها وكان الاباء السواح اول لما بيخلصوا القداس كانوا بيرشوا ماية على المسبح عشان الاباء الفى الكنيسة مايعملوش قداس عليه لان المفروض فالكنيسة لما بيتعمل قداس على مسبح لازم يعدى على الاقل ٩ ساعات عشان يعملوا على المسبح ده تانى يا إمة يعملوا القداس البعديه على اى مسبح تانى فالكنيسة ولقوا الراجل والفراش دول حاجة ملفوفة فمنديل الحاجة دى كانت قربانة ملفوفة ومربوطة فمنديل سابوها الاباء السواح بعد ماخلصوا القداس الكلام دة كان عام ١٩٩٩.... اى قربانة فالدنيا لو قعدت ٣ ايام بتعفن وتسود وتنشف القربانة دى اللاقوها الناس دول عام ١٩٩٩ هى دى القربانة الفالصورة القربانة دى لحد النهارده لسة طرية وماحصلش فيها اى حاجة
بركات العذراء والاباء السواح تكون معنا اجمعين
25 - 02 - 2017, 03:21 PM
قد تكون مهتم بالمواضيع التالية ايضاً
العرض العادي
