لما تسافر

walaa farouk · رقم المشاركة : ( 1 ) 20 - 02 - 2017, 06:14 PM

لما تسافر هتكتشف ان مصر مش ام الدنيا ولا حاجه.
لما تسافر هتكتشف ان الست المصريه هي اكتر ست بتتعب و حمالة آسيه.
لما تسافر هتكتشف ان الشعب المصري اخف واطيب شعب.
لما تسافر هتكتشف ان مصر عندها مقومات النجاح الي مش موجوده عند اي دولة بس لاسف بدون نتيجة.
لما تسافر هتكتشف اخلاقك وصورتك الحقيقية قدام نفسك(لأنك عايش في مجتمع مفهوش خوف من كلام الناس .مجتمع مباح في اي حاجه)
لما تسافر هتكتشف ان اكبر شعب متعذب هو الشعب المصري.
لما تسافر هتكتشف ان في ناس لسه فاكره الاسلام انتشر بالقوة والسيف(طبعا عشان مفيش دور للازهر).
لما تسافر هتكتشف ان دين الاسلام هو دين الفطرة.
لما تسافر هتكتشف ان المعده بتاعة المصرين هي المعده الوحيده الي مجهزه انها تاكل محشي وفول وممبار ولحمة راس.
لما تسافر هتكتشف ان عادي ممكن تعيش من غير تليفزيون وهتبقي مبسوط جدا.
لما تسافر هتكتشف ان مافيش دوله شبابها بيفضل يهري علي حدث ( في ناس لسه بتتخانق عشان كليب عمرو ومنير ومرسي هيرجع ولا لا).
لما تسافر هتكتشف ان اكتر شعب بيهتم بالمظاهر هي الشعوب العربية.
لما تسافر هتكتشف ان النيش دا ملوش اي لازمه في الحياه.
لما تسافر هتكتشف ان مافيش حاجه اسمها انا خت عين واتحسدت.
لما تسافر هتكتشف ان المصري بيسد في اي حاجه.
لما تسافر هتكتشف ان نعمة الاسلام دي نعمة كبيره من عند ربنا عليك.
لما تسافر هتكتشف ان الواحد ممكن يتجوز في شقة ٥٠ متر زي بقية خلق الله.
لما تسافر هتكتشف انك لما تشوف شرطه بتطمن ومبتخفش من ظابط يلفقلك تهمه عشان مش عاجبه شكلك.
لما تسافر بتكتشف انك انسان طبيعي عندك الحاجات الاساسية للحياة.
لما تسافر هتكتشف ان اقل سرعة نت دي سي ال في المانيا هي ٢٥ ميجا بايت وتقريبا بنفس تمن الواحد ميجا الي في مصر.
لما تسافر هتكتشف انك مش محتاج تقفل الراوتر وتفتحه تاني.
وهتكتشف انك ضيعت كتير اوووي من عمرك عشان تكتشف كل ده