اخر رساله من ابونا سمعان وهو مريض وقال ان قديس هيطمنهم عليه بعد نياحته تعالو نعرف مين هو

[Mary Naeem]

اخر رساله من ابونا سمعان وهو مريض وقال ان قديس هيطمنهم عليه بعد نياحته تعالو نعرف مين هو

أولاً عانى ابونا سمعان بفشل كلوى حاد وبدء فى عمل الغسيل الكلوى

ثانياً :عانى من مرض ( ميلوما ) بالنخاع العظمى وهو مرض نادر جداً حاله فى كل 7 مليون ويأتى لكبار السن فقط ، وهو مرض خطير جداً ويصعب تحمل الآمه .

رقد فى الرب 22 أغسطس 2005 فى عيد السيدة العذراء مريم وبعد نياحته كتبت احدى احباء ابونا سمعان الانبا بولا وكانت تعرفه بالجسد اخر رساله كتبها وهو مريض وتقول :

كان اخر رساله من ابونا سمعان وهو مريض بعتها مع صورة للقديس يوليوس الاقفهصى وكان بيقول ان القديس يوليوس الاقفهصى هو الى هيطمنكم عليا...بعد نياحته كنت فى كنيسه بأسم القديس يوليوس فى منشيه ناصر وكنت اول مره ازور الكنيسه دى وكنت بفتكر كلام ابونا سمعان عن سيره هذا القديس وجدت الاب الكاهن خادم الكنيسه بيدينى كسوة الجسد (القماش الموضوع فوق الصندوق الخاص بجسد الشهيد) فاخدته بركه وفرحت وحسيت انه تعزيه من ابونا سمعان ...وبعد شهر من زيارتى الاولى ربنا رتب فى الخدمه انى ازور الكنيسه مره تانيه الاقى نفس الاب يجى ويدينى كسوه تانيه لانه كان عيد استشهاد القديس يوليوس الاقفهصى فاخدت الكسوه القديمه وتم وضع جديده.. وسافرت دير الانبا بولا فى اليوم التالى وربنا رتب انى قابلت دكتور جورج اخو ابونا سمعان فى الدير وعرفت ان والدته دكتوره ليلى تعبانه فوجدتنى اخرج الكسوه من شنطتى رغم ان لا اتذكر انى وضعتها هناك واعطيتها للاستاذ جورج ليوصلها لام القديس العظيم ابونا سمعان..زى ما يكون جت البركه دى مخصوص لتصل ليد والدته والحمد لله اصبحت بخير

شفاعه هذا القديسان العظيمان تكون معنا ومعكم جميعا

[walaa farouk]

بركة صلاتهم تكون معنا اميييين

[sama smsma]

بركه صلواتهم تكون معانا

[Rena Jesus]

بركتهم تكون معانا
ميرسى ربنا يبارك تعب محبتك

[Mary Naeem]

شكرا على المرور

[MenA M.G]

"اُذْكُرُوا مُرْشِدِيكُمُ الَّذِينَ كَلَّمُوكُمْ بِكَلِمَةِ اللهِ. انْظُرُوا إِلَى نِهَايَةِ سِيرَتِهِمْ فَتَمَثَّلُوا بِإِيمَانِهِمْ."
ربنا يبارك خدمتك

[Mary Naeem]

شكرا على المرور