ليه ايها النبى يونان

[walaa farouk]

ليه ايها النبى يونان .. من وجه الرب الهنا هربان ؟
ليه فكرت فى العصيان .. وبقيت زى اى انسان ؟
ليه كان عندك ضعف ايمان. ونسيت ان الله ف كل مكان ؟
ليه من تبليغ الرسالة جبان. وفاكر ف هروبك مش هتبقى مدان ؟
ليه سديت عن الرب الودان . ووقفت امام نفسك حيران ؟
ليه افتكرت ان البعد امان .. وان السفر بالسفينة هو الضمان ؟
ليه نسيت ان الرب للخلاص ظمآن . ولما يتوب الانسان يبقى فرحان ؟
ليه تتمنى الهلاك للانسان الغلبان . ولما يرجع الرب عن غضبه تبقى زعلان
ليه عايز نينوى تبقى فى خطية وزيغان . ولو تابت ورجعت للرب تبقى ندمان
ليه بتعاتب الرب على انه حنّان .. وبيغفر ويلقى خطايانا فى بحر النسيان
ليه تستنى تأديب الرب ليك يبان .. ويكون البحر بسببك فى هيجان ؟
ليه عن الصلاة نايم وكسلان .. واصبحت امام الامم خجلان
ليه استنيت لحد ما القرعة تبان .. وتخليك امام النوتية غلطان ؟
ليه اتأخرت فى التوبة وطلب الغفران .لحد ما الرب بعتلك حوت من الحيتان
ليه ضحك عليك الشيطان ..وبدل المجد تبقى مهان ؟
ليه وقفت امام الديان .. تطلب الموت وانت فى هوان ؟
ليه وليه وليه وليه .... ايها النبى العظيم يونان ؟؟؟؟!!
--------------------------------------

[Mary Naeem]

شكرا يا لولو
حوار مع يونان النبى