وسابني!!

[walaa farouk]

كان ليا بنت عرفتها في الكليه كانت دايما تسرح وبعد فتره تلاقي صوت يعلي وتقول وسابني كلنا نلتفت ليها عشان هي بيبقي فعلا صوتها عالي جدا
البنت دي كانت بتعرج شويه لذلك كلنا كنا بنخاف نتكلم معاها لنجرحها ونأذيها من غير ما نحس
وفي مرة قررت تفتح قلبها وتتكلم :-(
قالت وسابني :-SS

بدأت حكايتها انا كنت عايشة مع جدي مليش أي حد غيره
كلهم ماتوا في حادثة وانا كنت لسه صغيرة مكنوش بياخدوني معاهم
جدي هوا اللي رباني وعلمني مات هوا كمان من 4سنين عشت مع خالي شوية وعمي شوية لما دخلت الجامعه من سنتين قررت اخد سكن طالبات 👏
اتعرفت علي واحد أكبر مننا ب 5 سنين حبيته من كتر ما كان حنين معايا ومهتم بتفاصيلي كان بيخليني طايره من الفرحه في عز ماكل حاجه في دنيتي ماتفرحش 💑
كل حاجه كانت جميلة لما في مرة طلبت منه يتقدملي عشان انا مبقتش عايزة اعيش عند حد من قرايبي
بدأ يتهرب واحده واحدة وف مرة لقيته بيقولي انة ماهواش جاهز ومش معاه فلوس
عملت جمعيات بمعاشي اللي باخده واديتهمله استنيته ييجي يكلم خالي
بردوا أتهرب
وخلص الفلوس اللي اديتهمله وكان مبررة انه كان سالف فلوس من واحد صاحبه وجه طلبهم منه 💔💔
قولتله طب وانت مقولتليش من الاول ليه
خد عشرين الف جنيه قولتله طيب انا دلوقتي لسالي سنه واخد الفلوس بتاعتي من المحكمه عشان انا قاصر قالي مش انتي في طب ولما تخلصي الكلية قولتله لا لما اكمل 21 سنه
كل يوم عايز فلوس ومعاملته اتغيرت اهانه وخيانة وتجريح
تعبت من الضغوط اللي بعيشها ومبقاش فيه مفر قدامي من اني ابعد عنه انا فعلا مش حمل خساره حد بحبه تاني حتي لو هديله عمري مش فلوسي 💔

روحت لطبيب نفسي بدات اخد منومات ومهدئات كتير لما مره اتخانق معايا بحجه هايفه وقعد يشتم ويزعق في التليفون بصوت عالي
وانا اقوله اسكت كفايه وهوا مكنش بيبقي كفاية
كنت راجعة في الميكروباص واخدت حبايه مهدئ بس المره دي ضغطي وطي جدا وانا بعدي الطريق جت عربيه شالتني رفعتني 5 متر
ونزلت علي ضهري
عملت 4 عمليات في ضهري وخرجت بقيت بعمل علاج طبيعي
قالي انا مش هسيبك وهاتي اتقدملك بس هما هيوافقوا بيا لو جيت من غير شبكة
وانا طبعا عارفة انه لأ روحت سحبت الفلوس اللي ليا واديتهمله بعد مااخدهم
واحنا ماشيين كنت بسند عليه بدل ماامشي بالعكاز زق ايدي وقالي متعرجيش كده قولتله ماانا مش عارفه امشي غير كده
قالي خلاص انا مبمشيش مع حد بيعرج
عرفت بعدها انة قايل لكل الناس اني انا اللي رامية نفسي عليه وانه بيشفق عليا علشان الظروف اللي انا فيها

وبس وساااااابني 👣

[Rena Jesus]

ميرسى ربنا يبارك تعب محبتك

[Mary Naeem]

ميرسى ربنا يبارك تعب محبتك

[walaa farouk]

ميرسي كتير على مروركم الغالى