الحب - الثقة - السقوط
مشكلة كبيرة اوى كتير ناس وقعت فيها و خلونى اتكلم عنها بكلمات بسيطة
فى علاقات الارتباط بين اى اتنين و فيه طرف فيهم عندة مشكلة ( عدم الثقة فى نفسة )
فا لو الطرف التانى قدم حب غير مشروط للطرف الضعيف الثقة و الحب ده كان كافى و بيقدم بطريقة شيك و بغمر و فيض قوي ..
فا الامر ده بيخلى الطرف الضعيف الثقة . يثق فى نفسة..
لان الحب الى بجد بيدى ثقة لأى حد.. و بقوة
فا يجى الطرف الاول يقدم محبة قوية للطرف التانى و يحبة اوى اوى
و يبدء الطرف التانى يستعيد او يبنى ثقتة فى نفسة من خلال الحب ده
و فجأة بيحصل حاجة غريبة اووووى و يمكن ناس كتير جربتها
يبدء الطرف ده فى التكبر و الغرور على الطرف التاني!!
محدش عارف ده اسمة ايه بالظبط لانه ملهوش اسم..
لكن فيه بيت شعر بيقول " علمتة الرماية فلم أشتد ساعدة رماني "
(أى رمانى بالسهام)
التعامل مع الشخصيات الى بتعانى من ضعف شخصية بتكون تحدي كبير اوى..
فيه ناس ببتتحول لشخصيات رائعة مع الوقت و بيكون الحب الى بيتقدملها من الطرف الاول هو بمثابة علاج مش حب..
فا الحب هنا هو علاج و بيخلى الطرف الضعيف الشخصية او الى بدون شخصية.. يبدء يحس بقيمتة و كيانة و جمالة الداخلى و يمكن الخارجي كمان و فى الاخر بعضهم بيتحول لشخصيات رائعة فعلا و بعضهم بيتمرد و بيحس انه خلاص
و يبدء الشخص الى قدم محبة يسمع الطرف التانى بعد ما استعاد ثقتة فى نفسة و يسمع منة كلمات غريبة اوى مكانش بيسمعها الاول زى :
كدة انا تمام.. عايز حاجة انت؟؟
لا ده مش عاجبنى .. لا مش هسمع كلامك ..
انا ليا شخصية.. انت مش هتتحكم فيا..
لازم تاخد رأيي فى كل حاجة.. لا مش موافقة..
لا انا مش كل مره هسمع كلامك..
و قيسو على كدة بقى العبارات الى الولد ممكن يقولها للبنت او العكس...
الثقة يا جماعة... لو انت او انتى عندك مشكلة فى موضوع الثقة و جالك حد حبك بجد و حسيت بتغير فى شخصيتك بسببة..
طبعا تغيير للأحلي فا اقف قدام نفسك شوية و قدر النوع ده من البنى ادمين الى بيدخلوا حياتنا و يحطوا بصمتهم فيها..
الناس دى مش موجودة كتير...
خليك و خليكى انسانة بسيطة و اكبر مع الحد الى بيحبك..
اكبرى معاه انتى كمان
اتعلموا من بعض مش تعلموا على بعض..
شوف انت كنت ايه قبلها و شوف انت بقيت ايه معاها؟
و انتى شوفى انتى كنتى ايه قبله و بقيتى ايه معاه و ازاى حول القبح الى فيكى الى جمال و الضعف الى فيكى لقوة..
نقدر بصمات بعض فى حياة بعض لانها لمسات ساحرة بمعنى الكلمة و مش مجرد تغيير و هيروح لحالة..
cpd
