|
 |
 |
 |
|
رقم المشاركة : ( 1 )
13 - 01 - 2017, 03:15 PM
|
|||||||||||
|
|||||||||||
|
حتعلق انهي يافطة النهارده ؟! نبدأ بحكاية؛ عندي واحد صاحبي ظروفة وحشة اوي .. حالته المادية حاليا صعبة و مريض و الدنيا معصلجة معاه و الناس اللي حواليه مش متعاونين و مش مقدرين.. ده مخليه محبط و مكشر و مستسلم و غالباً بيشتكي و يلوم و يتعصب.. صاحبي ده عايش كدة و معلق يافطة مكتوب عليها "المعذور" .. و عندي واحد صاحبي تاني ظروفة زي الاولاني بالظبط .. لما الظروف دي جاتله و معاها نفس اليافطة جاهزة عالتعليق مارضيش يعلقها !! و كانت مفاجآة ليا الحقيقة .. لما سألته قالي معنديش ليها حالياً مكان.. عندي يفط تانية متعلقة مش عايز انزل اي واحدة منهم .. يافطة "المبسوط" يافطة "المتفائل" و يافطة "القوي" ..  بالظبط زي اصحابي دول، كل واحد فينا عنده صورة عن نفسه جواه Self Image؛ بتخليه يتصرف و يتحرك و يستجيب للمؤثرات و يتعامل مع الناس و كمان يشوف الحياة بطرق جايه من الصورة الداخلية دي .. الحاجات دي بتبان علينا و على حياتنا كأنها يفط متعلقه حتى لو احنا مش واخدين بالنا اننا معلقينها .. اليفط دي من كتر تأثيرها علينا بتحرك و تشكل الحياة كلها! .. و فيما يلي شوية معلومات عامّة و مثيرة عن اليفط : - اليفط بتاعتك بتتشاف مهما كنت متخيل انها مستخبيه. - هناك عدد محدود من اليفط .. ما ينفعش تعلق كل اليفط أو تحاول تبقى كل حاجة. - اليفط بتاعتك مهما كانت في ظاهرها حلوة، بيبقى ليها عيوب و حاجات ناقصة في حياتك بسبب و جودها. - اليفط بتاعتك مهما كانت في ظاهرها وحشة، بيبقى ليها مميزات و حاجات قيمة في حياتك بسبب و جودها. طب نعمل ايه عشان نتعامل مع الموضوع بطريقة سليمة ؟ ١- اي حاجة عايز تغيرها حواليك هي في الأساس مجرد انعكاس او ضِل لصورتك اللي جوه .. لو عايز تغير الانعكاس او الضِل ده، لازم تغيّر الصورة اللي جوه فاليافطة اللي بره تتغير فالانعكاس يظبط ... يعني مافيش حاجة حتظبط بره من غير ما تظبط الاول جوه .. واضح؟ ٢- لو عندك مشاكل دايماً مكرره او مستمرة من نفس النوع، جرّب تعلق يفط مختلفة و غريبة عليك .. يعني مثلاً لو انت دايما دمك خفيف و واخد الحياة ببساطة جرب تفكر و تكتب لو كنت واخدها جد و و مستتقلها كنت حتعمل ايه مختلف؟ .. و العكس .. لو دايماً واخدها جد و و مستتقلها فكر و اكتب لو كنت واخدها ببساطة و خفة دم كنت حتعمل ايه مختلف؟ .. و بعدين عيش ده و اعمل اللي كتبته و لو لوقت قصير جرب فيه الاحساس و شوف في أبواب جديدة بتتفتح ولا ايه ٣- احترم يفط الناس و خليك رحيم معاهم .. و كمان انت شايف اليفط بتاعتهم من خلال اليفط بتاعتك .. يعني كل واحد فينا فيه اللي مكفّيه، وفر وقتك و مجهودك للي محتاج تظبطه جوه قبل ما تحاول تعدل المنطر حواليك 
|
|
13 - 01 - 2017, 03:16 PM
|
رقم المشاركة : ( 2 ) | ||||
|
..::| الإدارة العامة |::..
|
رد: حتعلق انهي يافطة النهارده ؟!
ميرسي على مشاركتك الجميلة رينا
|
||||
|
|
|
13 - 01 - 2017, 03:41 PM
|
رقم المشاركة : ( 3 ) | ||||
|
† Admin Woman †
|
رد: حتعلق انهي يافطة النهارده ؟!
مشاركة جميلة جدا ربنا يبارك حياتك |
||||
|
|
|
13 - 01 - 2017, 04:56 PM
|
رقم المشاركة : ( 4 ) | ||||
|
..::| الاشراف العام |::..
|
رد: حتعلق انهي يافطة النهارده ؟!
ميرسى لمروركم الغالى
 |
||||
|
|
|
14 - 01 - 2017, 01:25 PM
|
رقم المشاركة : ( 6 ) | ||||
|
..::| الاشراف العام |::..
|
رد: حتعلق انهي يافطة النهارده ؟!
ميرسى لمرورك الغالى
|
||||
|
|
 |
|
العرض العادي
