|
 |
 |
 |
|
رقم المشاركة : ( 1 )
07 - 01 - 2017, 06:54 PM
|
|||||||||||
|
|||||||||||
|
خلصنا سف على موضوع تجنيد البنات في الجيش؟!! بعيدا ان الموضوع عبارة عن "خدمة عامة" في ميادين الحياة الإجتماعية و ليس تجنيد البنات بشكل فعلي في صفوف محاربة العدو .... الموضوع فعلا سخيف .... قولي عني ثقيلة و دمي تقيل و مبعرفش أضحك و آخد المواضيع ببساطة .... بس الموضوع فعلا سخيف .... وصلتوا للجميع فكرة واحدة عن البنت المصرية ... فكرة سطحية لا تمثل 30% من ثقافة المجتمع النسائي في مصر .... ثقافة ال ( هتكراش عالظباط _ و هتحارب العدو بنفس الطقم ازاي _ و لو كنت مهتم كنت عرفت لوحدك _ و دلعني و قولي يا بطوط _ و الخ من السف .... ) .... أنتوا فعلا صاحيين ؟!! عايشين معانا في نفس المجتمع ؟!! هية دي نظرتكم للبنت و الست المصرية ؟!!! أنت فعلا متخيل ان لو حصلت حاجة فعلية حقيقية و البنات اطلب منهم بشكل رسمي انهم يشاركوا في الحرب بنات بلدك هيبقوا عاملين ازاي و مواقفهم هتبقى ايه ؟!!! ليه ... متفرجتش على ميدان التحرير أيام الثورة ؟؟!! مشفتش كمية البنات و السيدات من كل طبقات المجتمع اللي نزلوا و شاركوا .... كمية البنات اللي اضربت و اتسحلت و اتهانت و اعتقلت لمجرد فكرة "عيش ... حرية .. عدالة اجتماعية " .... أنت بجد متخيل إن البنت المصرية اللي عايشة في مجتمعك الظالم بنت مدللة ؟!! و غير قادرة على حمل السلاح ؟؟!! فعلا !!!!!! الست الفلاحة اللي بتصحى من 4 الفجر قايمة ببيت كامل و بتنزل تشتغل في الغيطان و المزارع و تنزل تبيع في السوق في وسط التجار و الغيلان دي غير مؤهلة لحمل سلاح للدفاع عن بلدها ؟!!! الست اللي لو جوزها أو أخوها أو أبوها اتصاب أو اعتقل او اتهان ظلم و بتنزل الشارع تحاول بطولها تجيب حقه ... دي غير مؤهلة لحمل سلاح للدفاع عن بلدها ؟!!!! ستات مصر و بناتها بنسبة عظمى بكل مواقفهم في الأزمات و الشدائد ... دول غير مؤهلين لحمل سلاح للدفاع عن بلدهم !!!!! يا ريت حضرتك قبل ما تقرري تكتبي ألشة أو نكتة تهيني بيها بنات و ستات مصر ... تعرفي أنك ساعتها خرجتي من إطار الحرية الشخصية و تماديتي في الاستهانة بكيان ناس كتير ..... يا ريت حضرتك قبل ما تقرر تسف على بنات مصر ... تشوف جيشك الأول و تنزل تخدم فيه قبل ما تكلم طنط سوسو مرات آنكل معرفش مين تشوفلك واسطة تطلع بيها اعفا ... يا ريت البنات تنقي المواضيع اللي بيسفوا عليها .... للأسف كلنا بندفع ثمن "غبائك" في الآخر !!! الناس اللطيفة بتوع "احنا بنهزر" مش أكتر .. و خدي الموضوع ببساطة ... أحب أعرفك بس ان في أي مجتمع النكت و الكوميديا و الألش بيكون ليه بعد و مدلول ثقافي كبير عن ثقافة االناس و رؤيتهم للأمور ...... عندك ميت مليون حاجة تسف عليها .... بس الست المصرية خط أحمر .... كفاية مسخرة!!! cpd 
|
|
07 - 01 - 2017, 07:00 PM
|
رقم المشاركة : ( 2 ) | ||||
|
..::| الإدارة العامة |::..
|
رد: الموضوع فعلا سخيف
ميرسي على مشاركتك الجميلة رينا
|
||||
|
|
|
07 - 01 - 2017, 09:53 PM
|
رقم المشاركة : ( 3 ) | ||||
|
† Admin Woman †
|
رد: الموضوع فعلا سخيف
مشاركة جميلة جدا ربنا يبارك حياتك |
||||
|
|
|
08 - 01 - 2017, 08:30 AM
|
رقم المشاركة : ( 4 ) | ||||
|
..::| الاشراف العام |::..
|
رد: الموضوع فعلا سخيف
ميرسى لمروركم الغالى
 |
||||
|
|
 |
|
العرض العادي
