|
 |
 |
 |
|
رقم المشاركة : ( 1 )
06 - 01 - 2017, 07:56 AM
|
|||||||||||
|
|||||||||||
|
النبته...الزرعه لو مبصيناش عليها كل يوم...لو مسقينهاش كل يوم... لو مسقناش بكميه مياه مناسبه لا عطشناها ولا غرقناها... لو ملحظناش الورق اللى بيدبل فنشيله ونشوف ليه دبل؟؟ لو محمينهاش من الطيور لتاكلها..وأي ضرر نبعده عنها.. عمرها ما هترعرع...عمرها ما هتكبر...عمرنا ما هنشوف ثمرتها وزهرها.. كذلك برضه بالظبط نفسنا... لو متابعنهاش...مشفناش ايه التغيير اللى بيحصلها ايه الافكار اللى بتتسلل ليها... ايه الحاجات اللى بتموت جوانا...وليه بتموت؟؟ لو محمينهاش من الخطر والاضرار والاشخاص... اللى بيأثر في نفسيتنا ويحبطنا ويضايقنا ويعطلنا ويطفينا... مش هتنمو...مش هتنور...مش هيظهر ثمرتها وأثرها محتاجين نراعي نفسنا شويه محتاجين نرويها...نغذيها....وبالمياه الصح والكميه الصح لو عيانه محتاجه جمب المياه شويه مقويات تقويها.... محتاجين نركز فيها ونتابعها... عشان منصحاش في يوم نلاقيها ماتت... نلاقي روحنا ماتت واحنا لسه عايشيين وبنتنفس... ازاي؟؟ لما نلاقي نفسنا فيها خواء...فراغ...مفيش حياة ولا نبض.. كله بقي شبهه بعضه... مفيش مشاعر ولا احاسيس مفيش حاجه ليها طعم... بيمر يوم ورا يوم...ومش شايفه أمل ولا متعه ولا شايفه بكره... عايزه أبعد عن الناس...مش قادرة حتي على مجهود الكلام معاهم... لما احس ان الزمن وقف عندي... وبحتاج مجهود كبير قوي عشان أعمل أي حاجه... لما تبص للتليفون ..ومش قادر ترد عليه.. لما يكون انسب مكان ليك هو بس متابعه الاحداث وكانك بتتفرج على العالم من ورا قزاز... مش عايز تدخل تشارك في اى حاجه ...بس بتتفرج زي بالظبط ما بتقلب في الموبيل...الحياه بتبقي كده..باحداثها باشخاصها.... قوم بص علي زرعتك 
|
|
العرض الشجري